Cyclone Gaja Highlights: கஜா புயலால் மழை, நிலச்சரிவில் அவதிப்படும் கேரளாவின் இடுக்கி!

திருவனந்தபுரம் : தமிழத்தை புரட்டிப் போட்டு விட்டு சென்ற கஜா புயல், தற்போது கேரளாவை அடைந்துள்ளது.

நேற்று அதிகாலை வேதாரண்யம் -நாகை இடையே கஜா புயல் கரையை கடந்த நிலையில், தமிழகத்தின் பல்வேறு மாவட்டங்களில் கோர தாண்டவம் ஆடியது. இதில் பல ஆயிரக்கணக்கான மரங்கள், மின் கம்பங்கள் முறிந்து விழுந்தன.

கேரளாவில் கஜா :
வங்கக் கடலில் உருவாகி தமிழகத்தை தாண்டி, தற்போது கேரளாவில் தன் தாக்குதலை நடத்தி வருகின்றது கஜா புயல்.

மேற்கு மற்றும் தென்மேற்கு, மத்திய கேரளாவில் கஜா புயல் பாதிப்பு இருக்கும் என்றும், அடுத்த 12 மணி நேரத்திற்கு கனமழை பெய்யும் என்றும் இறுதியில் அது அரபிக் கடலை அடையும் என வானிலை ஆய்வு மையம் தெரிவித்துள்ளது.

Gaja Storm Live Updates: தமிழகத்தை அடுத்து கேரளாவை மிரட்டி வருகிறது கஜா புயல்!

அண்மையில் கேரளாவில் பாதித்த வெள்ளத்தில் அதிக சேதத்தை சந்தித்த இடுக்கி மாவட்டத்தை கடந்து கஜா புயல் செல்வதால், அந்த மாவட்டத்தின் பல பகுதிகளில் கன மழை பெய்து வருகின்றது.