மருத்துவமனையில் வாஜ்பாய்: எய்ம்ஸ் அறிக்கை

மருத்துவமனையில் அனுமதிக்கப்பட்டுள்ள முன்னாள் பிரதமர் வாஜ்பாய் உடல்நிலை குறித்து எய்ம்ஸ் மருத்துவமனை அறிக்கை வெளியிட்டுள்ளது.

93 வயதான முன்னாள் பிரதமர் வாஜ்பாய் உடல்நலக்குறைவு காரணமாக டெல்லி எய்ம்ஸ் மருத்துவமனையில் அனுமதிக்கப்பட்டு சிகிச்சை பெற்று வருகிறார். அவருக்கு சிறுநீரகத்தில் ஏற்பட்ட தொற்றுக்காக சிகிச்சை அளிகப்படுகிறது என்றும் முழு உடல் பரிசோதனை செய்யப்படுகிறது என்றும் தகவல் வெளியானது.

பிரதமர் நரேந்திர மோடி மற்றும் காங்கிரஸ் தலைவர் ராகுல் காந்தி ஆகியோர் அவரைச் சந்திந்து நலம் விசாரித்தனர். வாஜ்பாயைச் சந்தித்த வைகோ அவர் நலமாக இருப்பதாகவும் விரைவில் வீடு திரும்புவார் என்றும் கூறினார்.
இந்நிலையில், டெல்லி எய்ம்ஸ் வெளியிட்டுள்ள அறிக்கையில் வாஜ்பாய் அவர்கள் உடல்நிலையில் முன்னேற்றம் உள்ளது என்றும் அவர் சிகிச்சைக்கு நன்கு ஒத்துழைப்பதாகவும் தெரிவிக்கப்பட்டுள்ளது.