இடமாறுகிறது டெல்லி பாஜக தலைமை அலுவலகம்

டெல்லி: அசோகா சாலையில் இயங்கி வந்த பாஜக தலைமை அலுவலகம், தீன்தயாள் உபத்யாயா சாலைக்கு மாற்றப்பட உள்ளது.

பாஜகவின் தலைமை அலுவலகம் டெல்லியின் மரங்கள் அடர்ந்த அசோகா சாலையில் நீண்ட நாட்களாக இயங்கி வருகிறது. இங்கு தான் அக்கட்சியின் தூண்களாக விளங்கிய முன்னாள் பிரதமர் வாஜ்பாய், முன்னாள் துணைப்பிரதமர் அத்வானி ஆகியோர் பணியாற்றியுள்ளனர். கட்சி தொண்டர்களையும் சந்தித்தனர்.

இந்நிலையில் இந்த அலுவலகம் ஆர் எஸ் எஸ் அமைப்பின் நிறுவனர் தீன்தயாள் உபத்யாயா பெயரில் உள்ள சாலையில் புதிதாக அலுவலகம் கட்டப்பட்டு, அங்கு மாற உள்ளது. புதிய அலுவலகத்திற்கான அடிக்கல் நாட்டு விழா, வரும் ஆகஸ்ட் 18ம் தேதி நடைபெற உள்ளது. இதில் பிரதமர் மோடி, பாஜக தலைவர் அமித் ஷா ஆகியோர் கலந்து கொள்கின்றனர்.

புதிய கட்டடம் மூன்று மாடி அலுவலகமாக மாற உள்ளது. புதிய அலுவலகத்தில் அனைத்து நவீன வசதிகளும், நாட்டில் உள்ள அனைத்து மாநில தலைமை அலுவலகங்களையும் இணைக்கும் வகையில் வடிவமைக்கப்படும் என பாஜக மூத்த தலைவர் ஒருவர் தெரிவித்துள்ளார்.