17 ஆண்டுகளில் இல்லாத பேரதிர்ச்சி; நடுங்கித் தவிக்கும் டெல்லி!

வடமாநிலங்களில் குளிர்காலம் தொடங்கிவிட்டது. பல்வேறு மாநிலங்களில் கடுங்குளிர் நிலவுவதால் வெளியே வர முடியாமல் பொதுமக்கள் தவிக்கின்றனர். நாளுக்கு நாள் வெப்பநிலை குறைந்து கொண்டே செல்வது பெரும் சிக்கலை ஏற்படுத்தி வருகிறது. இமயமலையின் மேற்கில் இருந்து பனி இறங்கி வருவதாக வானிலை ஆய்வாளர்கள் தெரிவித்துள்ளனர். தலைநகர் டெல்லியில் கடந்த வெள்ளி அன்று 7.5 டிகிரி செல்சியஸ் வெப்பநிலை இருந்தது. இது கடந்த 14 ஆண்டுகளில் இல்லாத மிகக் குறைவான வெப்பநிலையாக பதிவானது. இந்நிலையில் இன்று காலை வெப்பநிலை 6.9 டிகிரிக்கு இறங்கியுள்ளது.

இது கடந்த நவம்பர் 2003ஆம் ஆண்டு நவம்பர் மாதத்திற்கு பிறகான மிகக் குறைந்த வெப்பநிலை என்பது குறிப்பிடத்தக்கது. அப்போது 6.1 டிகிரி செல்சியஸ் வெப்பநிலை நிலவியது என இந்திய வானிலை ஆய்வு மையம் தெரிவித்துள்ளது. அடுத்த சில நாட்களில் குறைந்தபட்ச வெப்பநிலையில் இரண்டு அல்லது மூன்று டிகிரி செல்சியஸ் உயரும் என்று கணிக்கப்பட்டுள்ளது.

நடப்பு மாதத்தில் இயல்பை விட 2 முதல் 3 டிகிரி செல்சியஸ் குறைவான வெப்பநிலை நிலவுகிறது. கடந்த ஆண்டு நவம்பர் மாதம் டெல்லியில் குறைந்தபட்ச வெப்பநிலையில் மிகக் குறைவான அளவு பதிவானது. அதாவது 11.5 டிகிரி செல்சியஸ் ஆக இருந்தது.

பள்ளிகள் திறப்பில் திடீர் சிக்கல்; முடிவை மாற்றிய மாநில அரசு!

அதுவே 2018ல் 10.5 டிகிரி செல்சியஸ், 2017ல் 7.6 டிகிரி செல்சியஸ் ஆக இருந்தது. டெல்லியில் ஒட்டுமொத்தமாக மிகக் குறைந்த வெப்பநிலை பதிவானது கடந்த நவம்பர் 28, 1938ல் ஆகும். அப்போது 3.9 டிகிரி செல்சியஸ் ஆக வெப்பநிலை நீடித்தது.

கடந்த அக்டோபர் மாதம் 58 ஆண்டுகளில் இல்லாத மிகவும் குளர்ச்சியான மாதமாக டெல்லி இருந்தது. அப்போது 17.2 டிகிரி செல்சியஸ் வெப்பநிலை காணப்பட்டது. முன்னதாக 1962ஆம் ஆண்டு 16.9 டிகிரி செல்சியஸ் ஆக இருந்தது.