குட்பை இந்தியா... அமெரிக்கா புறப்பட்டார் அதிபர் ட்ரம்ப்!!

இரண்டு நாள் அரசுமுறைப் பயணமாக அமெரிக்க அதிபர் டொனால்ட் ட்ரம்ப் திங்கள்கிழமை (பிப்ரவரி 24) காலை, குஜராத் மாநிலம், அகமதாபாத் வந்தடைந்தார். முதல்முறையாக இந்தியா வந்த அவருக்கு, அகமதாபாத் விமான நிலையத்தில் சிவப்பு கம்பள வரவேற்பு அளிக்கப்பட்டது.

அங்கிருந்து,மொதிராவுக்கு சென்ற ட்ரம்ப். அங்கு உலகிலேயே மிகப்பெரியதாக கட்டப்பட்டுள்ள கிரிக்கெட் மைதானத்தை திறந்து வைத்தார். அத்துடன் லட்சணக்கான மக்களுக்கு மத்தியில் அங்கு நடைபெற்ற "நமஸ்தே ட்ரம்ப்" நிகழ்ச்சியில் அவர் சிறப்புரை ஆற்றினார்.


பிரதமர் நரேந்திர மோடியுடன் பங்கேற்ற இந்த பிரம்மாண்ட நிகழ்ச்சியை முடித்துக் கொண்டு, திங்கள்கிழமை மாலை, ட்ரம்ப் ஆக்ரா வந்தடைந்தார்.

ட்ரம்ப் விருந்தில் ஏ.ஆர்.ரஹ்மான்: கலவரத்துக்கு மத்தியில் களைகட்டிய ஜனாதிபதி மாளிகை!!
உலக அதிசயங்களில் ஒன்றான தாஜ்மஹாலை தனது மனைவி மெலானியாவுடன் ட்ரம்ப் கண்டு களித்தார். அதைத்தொடர்ந்து டெல்லி சாணக்கியபுரி பகுதியில் உள்ள ஐடிசி மௌரியா நட்சத்திர ஹோட்டலில் ட்ரம்ப் நேற்றிரவு தங்கினார்.

தமது இந்திய பயணத்தின் இரண்டாவது நாளான இன்று (பிப்ரவரி 25), டெல்லியில் பிரதமர் நரேந்திர மோடியை அதிகாரப்பூர்வமாக சந்தித்து பேசினார்.

மெலனியா அணிந்த உடையிலும் பாஜக முத்திரை!!

இந்த சந்திப்பின்போது, இருதரப்பு வர்த்தக உறவு, பயங்கரவாதம், மத சுதந்திரம் உள்ளிட்ட பல்வேறு விஷயங்கள் குறித்து விரிவாக ஆலோசிக்கப்பட்டதாக செய்தியாளர்கள் சந்திப்பின்போது இருதலைவர்களும் பின்னர் தெரிவித்தனர்.

இந்த சந்திப்பின் முக்கிய அம்சமாக, இரு நாடுகளுக்கும் இடையே பல்வேறு ஒப்பந்தங்கள் கையெழுத்தாகின. குறிப்பாக, பாதுகாப்புத் துறை தொடர்பாக 21 ஆயிரம் கோடி ரூபாய் மதிப்பிலான ஒப்பந்தங்கள் மேற்கொள்ளப்பட்டன.

மோடியுடனான சந்திப்பையடுத்து, அம்பானி உள்ளிட்ட இந்திய தொழிலதிபர்களையும், அதைத்தொடர்ந்து செய்தியாளர்களையும் ட்ரம்ப் சந்தித்தார்.

Visit of U.S. President to India - Joint Statement 25.02.2020
தமது இந்திய பயணத்தின் இறுதி நிகழ்ச்சியாக, குடியரசுத் தலைவர் மாளிகையில் அளிக்கப்பட்ட இரவு விருந்தில் ட்ரம்ப் பங்கேற்றார். விருந்தை முடித்து கொண்டு, தமது மனைவி மெலானியா, மகள் இவாங்கா உள்ளிட்டோருடன் டொனால்ட் ட்ரம்ப், தமது தனி விமானத்தில் அமெரிக்கா புறப்பட்டு சென்றார்.