சப்பாத்தி செய்வது ரொம்ப கஷ்டம்: ஒபாமா புலம்பல்

இந்தியா வந்துள்ள முன்னாள் அமெரிக்க அதிபர் பராக் ஒபாமா நிகழ்ச்சி ஒன்றில் பேசும் போது சப்பாத்தி செய்வது ரொம்ப கஷ்டம் என்று கூறியுள்ளார்.

டெல்லியில் நடைபெறும் இந்துஸ்தான் டைம்ஸ் நாளிதழின் தலைமைப் பண்பு மாநாட்டில் முன்னாள் அமெரிக்க அதிபர் பராக் ஒபாமா இன்று பங்கேற்றார்.

இந்நிகழ்வில் பேசிய அவர், "தால் எப்படி செய்வது என்று தெரிந்து வைத்திருக்கும் முதல் அமெரிக்க அதிபர் நான்தான். என் கீமாவும், சிக்கனும்கூட நன்றாகவே இருக்கும்." என்று கூறினார்.

"இந்தியாவுக்கு வந்ததும் நான் தங்கியிருந்த ஹோட்டலில் ஊழியர் ஒருவர் எனக்கு உணவு வழங்கினார். அந்த உணவில் இடம்பெற்றிருந்த தால் எப்படி செய்யப்பட்டது என்று அவர் என்னிடம் விளக்கத் தொடங்கினார். நான் என்னிடம் இதைச் சொல்ல வேண்டிய அவசியம் இல்லை.

நான் மாணவனாக இருந்தபோது என்னுடன் தங்கி இருந்த இந்தியர் ஒருவர் மூலம் தால் எப்படி செய்வது என்பதை ஏற்கெனவே தெரிந்துகொண்டேன்" என்றார்.

தொடர்ந்து இந்நிகழ்ச்சியில் பத்திரிகையாளர் கரண் தாப்பர் ஒபாமாவுக்கு சப்பாத்தி செய்யத் தெரியுமா? என்று கேட்டபோது, "சப்பாத்தி செய்வது கஷ்டமானது" என்று பதில் கூறினார்.