ஆப்நகரம்

மீண்டும் குலுங்கிய குஜராத்.... அச்சத்தில் உறைந்த பொதுமக்கள்

குஜராத்தில் இன்று மீண்டும் நிலநடுக்கம் ஏற்பட்டுள்ளதால், அந்த மாநில மக்கள் அச்சத்தில் உறைந்துள்ளனர்.

Samayam Tamil 15 Jun 2020, 5:39 pm
குஜராத் மாநிலம், ராஜ்கோட் நகருக்கு வடகிழக்கே 82 கிலோமீட்டர் தொலைவில் இன்று (ஜூன் 15) மதியம் மீண்டும் நிலநடுக்கம் ஏற்பட்டது.
Samayam Tamil gujarat


இந்த நிலநடுக்கம் ரிக்டர் அளவுகோலில் 4.4 ஆக பதிவானது. ராஜ்கோட் மற்றும் அதனை சுற்றியுள்ள பகுதிகளில் இந்த நிலநடுக்கம் உணரப்பட்டது.இருப்பினும் இதன் காரணமாக கட்டடங்களுக்கு சேதமோ, உயிரிழப்புகளோ ஏற்பட்டதாக தகவல்கள் இல்லை.

முன்னதாக, நேற்றிரவு (ஜூன் 14) ராஜ்கோட்டில் இருந்து வடக்கு-வடமேற்காக சுமார் 122 கி.மீ தொலைவில் ஏற்பட்ட நில நடுக்கம் ரிக்டர் அளவில் 5.8 ஆக பதிவாகியுள்ளதாகவும் தெரிவிக்கப்பட்டிருந்தது.

குஜராத்தில் பயங்கர நிலநடுக்கம்: ரிக்டர் அளவுகோலில் 5.8ஆக பதிவு

நிலநடுக்கம் உணரப்பட்டதால் அதிர்ச்சியடைந்த பொதுமக்கள் வீட்டை விட்டு வெளியேறி வீதிகளில் தஞ்சமடைந்தனர். 5.8 ஆக பதிவான நிலநடுக்கம் சற்று சக்திவாய்ந்ததுதான் என்றாலும், இதனாலும் உயிர், பொருள் சேதம் எதுவும் ஏற்படவில்லையென்று குஜராத் மாநில அரசு தெரிவித்துள்ளது.

குஜராத் மாநிலம், கட்ச் பகுதியை மையமாகக் கொண்டு கடந்த 2001 ஆம் ஆண்டு பயங்கர நிலநடுக்கம் ஏற்பட்டது. இதில் பூஜ் நகரம் கடுமையாக பாதிக்கப்பட்டது.

இதன் விளைவாக, 20 ஆயிரம் பேர் உயிரிழந்தனர்; 4 லட்சம் வீடுகள் சேதமடைந்தன; 1.67 லட்சம் பேர் படுகாயமடைந்தனர் என்பது குறிப்பிடத்தக்கது.

அடுத்த செய்தி