ஆபத்தைச் சந்திப்பீர்கள்: அமேசானுக்கு சக்திகாந்த தாஸ் எச்சரிக்கை

டெல்லி: இந்தியாவை அவதிக்கும் செயல்களைத் தொடரும் அமேசான் இணைய வர்த்த நிறுவனத்திற்கு பொருளாதார விவகாரத்துறை செயலாளர் சக்திகாந்த தாஸ் எச்சரிக்கை விடுத்துள்ளார்.

அமேசான் இணைய வர்த்தக நிறுவனம் தனது இணையதளத்தில் தொடர்ந்து இந்தியாவை அவமதிக்கும் விதமாக பொருட்களை விற்பனைக்குவைத்து வருகிறது. இந்திய தேசியக்கொடி போன்ற கால் மிதியடி மற்றும் ஷூ, மகாத்மா காந்தியின் படத்துடன் செருப்பு என இந்தியாவை அவமதிக்கும் வகையில் சில பொருட்களை விற்பனைக்கு வைத்து அமேசான் கண்டனத்திற்கு ஆளாகியுள்ளது.

இந்நிலையில், அமேசான் நிறுவனத்தின் இந்த இந்தியா விரோதப் போக்கிற்கு கண்டனம் தெரிவிக்கும் முகமாக பொருளாதார விவகாரத்துறை செயலாளர் சக்திகாந்த தாஸ் அந்நிறுவனத்திற்கு எச்சரிக்கை விடுத்துள்ளார்.

தனது சமூக வலைத்தளப்பதிவு ஒன்றில் இதுபற்றி கூறியுள்ள சக்திகாந்த தாஸ், இந்தியாவின் தலைவர்கள் மற்றும் சின்னங்களை அவமதிக்கும் வகையில் செயல்படுவதை தவிர்த்துக்கொள்ள வேண்டும் என்றும் தவறினால் உரிய பின்விளைவுகளை சந்திக்க நேரிடும் என்றும் குறிப்பிட்டுள்ளார்.