Taj Mahal : கட்டணத்தை வாங்குறது சரி, என்னை எப்படியாச்சும் காப்பாத்துங்கடா... கதறும் தாஜ்மகால்

ஆக்ரா : தாஜ்மகால் பார்வையிட நுழைவு கட்டணம் மீண்டும் உயர்த்தப்பட்டுள்ளது.

‘இப்படி இருந்த நான் இப்படி ஆகிட்டேன்’ என்பது போல முகலாயர் ஆட்சி காலத்தில் ஷாஜகானால் தன் காதல் மனைவி மும்தாஜுக்காக வெள்ளை பளிங்கு கற்கலால் கட்டப்பட்டது தாஜ்மகால்.

உலக அதிசயங்களில் ஒன்றான தாஜ்மகால் வெள்ளை நிறத்திலிருந்து மஞ்சள் நிறத்திற்கு நிறமாற்றம் ஏற்பட்டுள்ளது. இந்நிலையில் தற்போது மஞ்சள் நிறத்திலிருந்து பழுப்பு நிறத்திற்கு நிறம் மாறி வருகின்றது.

தாஜ்மகாலை இடியுங்கள்:
தாஜ்மகால் சுற்றுச் சூழல் பாதிப்பால் நிறம்மாறுவதாக பொது வழக்கை விசாரித்த நீதிமன்றம் தாஜ்மகாலை பராமரிக்க முடியாவிட்டால் அதை இடித்து விடுங்கள் என மிக கடுமையாக கொந்தளித்து எச்சரித்தது.

மீண்டும் கட்டண உயர்வு:
சுற்றுச் சூழல் பாதிப்பால் தாஜ்மகால் நிறம் மாறுவதை தடுக்க முடியாத உத்தரப் பிரதேச அரசு, அதை பார்வையிடுவதற்கான நுழைவு கட்டணம் உயர்த்தியுள்ளது.

வெளி நாட்டு பார்வையாளருக்கு ரூ. 100 உயர்த்தி 1100 வசூலிக்கப்படுகிறது.
உள்நாட்டினருக்கு 10 ரூபாய் உயர்த்தி 50 ரூபாயும், தெற்காசிய பிராந்திய நாடுகள் (SAARC) கூட்டமைப்பில் இடம்பெற்றுள்ள நாட்டினருக்கு ரூ. 540 கட்டணமாக விதிக்கப்படும் என அறிவிக்கப்பட்டுள்ளது.

கடந்த 2016ல் நுழைவு கட்டணம் உயர்த்தப்பட்ட நிலையில் மீண்டும் தற்போது கட்டணம் உயர்த்தப்பட்டுள்ளது.