Tihar Prisons: விடுதியாக மாறிய திகார் ஜெயில் : ஒரு நாள் தங்க வெறும் ரூ.500 தான்

புதுடெல்லி : ஒரே ஒரு நாள் ஜெயிலில் இருக்க ஆசைப்படுபவர்கள், தற்போது அங்கு வந்து தங்கும் வசதி செய்யப்பட்டுள்ளதாக தெரிவிக்கப்பட்டுள்ளது.

ஒரே ஒரு நாள் ஜெயில் எப்படி இருக்கும், அங்கு சென்று தங்க ஆசைப் படுபவர்களா நீங்கள். அப்போ இந்த செய்தி உங்களுக்கு தான்.

500 ரூபாய் வாடகை:

தெற்காசியாவிலேயே மிகப்பெரிய சிறைச்சாலையாக இருக்கிறது திஹார் ஜெயில். இங்கு முக்கிய குற்றவாளிகள் பலர் அடைக்கப்பட்டுள்ளனர். இந்த ஜெயிலில் ஒரு இரவு தங்க ருபாய் 500 செலுத்த வேண்டும். ஆனால் ஜெயிலில் கைதிகளுக்கு அளிக்கப்படும் உணவு தான் அங்கு ஒரு நாள் தங்க செல்பவர்களுக்கும் கிடைக்கும் என்பது கூடுதல் தகவல்.

இந்த திட்டத்திற்கு வரவேற்பு அதிகமாக இருப்பதால் இதை விரிவாக்க திட்டமிடப்பட்டுள்ளதாம். சிலர் ஒரு நாள் ஜெயிலில் இருந்து அங்கிருந்த அனுபவத்தை பெறலாம் என செல்பவர்கள் எண்ணிக்கை அதிகமாக உள்ளார்களாம்.