Modi Vs Yogi : மோடி வேண்டாம், யோகி தான் வேண்டும் போஸ்டரால் கிளம்பிய சர்ச்சை

லக்னோ : 5 மாநில தேர்தல் பாஜக தலைமை மட்டுமல்லாமல் தொண்டர்களையும் பாதித்துள்ள நிலையில், மோடி வேண்டாம் யோகி தான் வேண்டும் என்ற பதாகை உத்தரப் பிரதேசத்தில் வைக்கப்பட்டதால் பரபரப்பு ஏற்பட்டது.

உத்தரப் பிரதேச நவநிர்மான் சேனா அமைப்பினர் அடித்துள போஸ்டர்கள், தேர்தல் முடிவை காட்டிலும் பெரும் பரபரப்பாக பேசப்படும் வகையில் இருந்தது. அந்த போஸ்டரில் மோடி vs யோகி என எழுதப்பட்டிருந்தது.

பொய் வாக்குறுதிகளை மட்டும் அள்ளிவிடுவதில் பெயர் போனவர் மோடி என்றும், ஆனால் யோகி அப்படி இல்லை இந்துத்துவாவின் உண்மையானவர் என்று குறிப்பிட்டிருந்ததோடு, யோகி ஆதித்யநாத்தை பிரதமராக்குங்கள் என கூறப்பட்டிருந்தது. இந்த பதாகையால் பாஜகவில் சர்ச்சை உண்டாகியுள்ளது.

கைது :லக்னோவின் சில பகுதிகளில் இந்த பதாகை வைக்கப்பட்டிருந்தது. இந்த பதாகை குறித்து நவநிர்மான் சேனா அமைப்பை சேர்ந்த நபர் மீது அவமதிப்பு வழக்கு ஹஜ்ராட்காஞ் காவல் நிலையத்தில் பதியப்பட்டுள்ளது.