டெல்லி எய்ம்ஸ் மருத்துவமனை ஆபரேஷன் தியேட்டரில் தீ விபத்து

டெல்லி எய்ம்ஸ் மருத்துவமனை ஆபரேஷன் தியேட்டரில் பயங்கர தீ விபத்து ஏற்பட்டுள்ளது.

டெல்லியில் அன்சாரி நகர் பகுதியில் பிரசித்திபெற்ற எய்ம்ஸ் மருத்துவமனை இயங்கி வருகிறது. இந்த மருத்துவமனையில் தரைத்தளத்தில் உள்ள அறுவை சிகிச்சை அரங்கத்தில் இன்று மாலை 6 மணி அளவில் பயங்கர தீ விபத்து ஏற்பட்டது.

தீ காற்றின் வேகத்தில் அருகில் உள்ள கட்டிடங்களுக்கும் பரவியது. தகவல் அறிந்து வந்த தீயணைப்பு குழுவினர் தீயை அணைக்க நடவடிக்கை எடுக்கின்றனர்.

தரைத்தளத்தில் இருந்த நோயாளிகள் அனைவரும் பாதுகாப்பாக அழைத்துச்செல்லப்பட்டுள்ளனர். 24 வாகனங்களில் தீயணைப்புப் படையினர் தீயை அணைக்க முயன்று வருகிறார்கள்.

விபத்தினால் ஏற்பட்ட ஆக்சிஜன் சிலிண்டர் கசிவு சரிசெய்யப்பட்டுள்ளதாகத் தகவல் கிடைத்துள்ளது. இந்த விபத்து எதனால் ஏற்பட்டது என்றோ ஏதும் சேதம் ஏற்பட்டுள்ளதா என்றோ தகவல் வெளியாகவில்லை.