BREAKING: சோனியா காந்தி மருத்துவமனையில் திடீர் அனுமதி! மருத்துவர்கள் சிகிச்சை!

ஐக்கிய முற்போக்கு கூட்டணித் தலைவர் சோனியா காந்தி காய்ச்சலால் டெல்லியில் உள்ள சர் கங்கா ராம் மருத்துவமனையில் அனுமதிக்கப்பட்டார். அவருக்கு மருத்துவர்கள் சிகிச்சை மேற்கொண்டு வருகின்றனர். தற்போது அவர் உடல் நிலை சீராக உள்ளது என்று மருத்துவமனை வட்டாரங்கள் தகவல் தெரிவிக்கின்றன.

சோனியா காந்தி கொரோனா தொற்றால் பாதிக்கப்பட்டு தீவிர சிகிச்சைக்குப் பின்னர் உடல் நலம் தேறினார். அதைத் தொடர்ந்து அவ்வப்போது உடல் ரீதியாக சிறு சிறு பிரச்சினைகளை சந்தித்து வந்தார்.

இந்நிலையில் காங்கிரஸ் கட்சியின் 2 நாள் மாநாடு சத்தீஸ்கர் தலைநகர் ராய்ப்பூரில் சமீபத்தில் நடைபெற்றது. 2ஆவது நாள் மாநாட்டில் கலந்து கொண்டு சோனியா காந்தி பேசிய போது, “காங்கிரஸ் கட்சிக்கு திருப்புமுனையாக பாரத ஒற்றுமை யாத்திரை அமைந்துள்ளது. நல்லிணக்கம் சகிப்புத்தன்மை, சமத்துவத்தை வலியுறுத்தி பெருந்திரளான மக்கள் அதில் பங்கேற்றனர்.
பாஜகவுக்கு சர்ப்ரைஸ் கொடுத்த மம்தா பானர்ஜி: காங்கிரஸுக்கு கல்தா - ஸ்டாலின் கனவு டுமீல்!
பாரத ஒற்றுமை யாத்திரையுடன் எனது இன்னிங்ஸ் (அரசியல் பயணம்) நிறைவு பெற்றுள்ளது. 2024 மக்களவைத் தேர்தலில் பாஜகவை தோற்கடிக்க காங்கிரஸ் தொண்டர்கள் உத்வேகத்துடன் செயல்பட வேண்டும்” என்று பேசியது குறிப்பிடத்தக்கது.