முன்னாள் எம்.பி. ப்யாரிமோகன் மொஹபாத்ரா காலமானார்

மும்பை: ஒரிசாவைச் சேர்ந்த முன்னாள் நாடாளுமன்ற உறுப்பினர் ப்யாரிமோகன் மொஹபாத்ரா உடல்நலக்குறைவால் ஞாயிற்றுக்கிழமை காலமானார்.

ஒரிசாவைச் சேர்ந்த நாடாளுமன்ற மாநிலங்களவை உறுப்பினர் ப்யாரிமோகன் கடந்த ஆறு மாதங்களாகவே நுரையீரல் சிகிச்சை பெற்றுவந்தார். சில நாட்களுக்கு முன் அவரது உடல்நிலை மோசமடைந்த நிலையில் சிகிச்சைக்காக மருத்துவமனைக்குக் கொண்டுசெல்லப்பட்டார். அங்கு அவருக்கு தீவிர சிகிச்சை அளிக்கப்பட்டு வந்தது.

இந்நிலையில், ஞாயிற்றுக்கிழமை இரவு 9.40 மணியளவில் மும்பையில் உள்ள மருத்துவமனையில் அவரது உயிர் பிரிந்தது. 77 வயதான அவர் ஒரிசா மாநிலத்தின் பிஜு ஜனதா தளம் கட்சியின் முக்கியத் தலைவர்களில் ஒருவராக இருந்தார். 2012ஆம் ஆண்டு கட்சித் தலைமைக்கு எதிராக நடந்த கிளர்ச்சியில் பங்குபெற்றதாக அவர் குற்றம்சாட்டுக்கு ஆளானதிலிருந்து அரசியலில் இருந்து விலகிவிட்டார்.