பரிகாரம் செய்த வில் ஸ்மித்! என்ன காரணம் தெரியுமா??

பிரபல ஹாலிவுட் நடிகர் வில் ஸ்மித் இந்தியா வந்துள்ள நிலையில், ஹரித்துவாரில் உள்ள கோயில் ஒன்றில் பரிகாரம் செய்து அபிஷேகம் நடத்தியுள்ளார்.

ஹாலிவுட்டின் உச்சநட்சத்திரமாக திகழ்பவர் வில் ஸ்மித். இவர் ஆவணப்படம் ஒன்றில் நடிப்பதற்காக கடந்த வாரம் இந்தியா வந்தார். படபிடிப்பு பணிகள் போக மற்ற நேரங்களில், தாஜ்மகால், கோயில்கள் என இந்தியாவின் பல்வேறு பகுதிகளை சுற்றிப்பார்த்து வருகிறார். மேலும், நம் நாட்டு மக்களையும் நேரில் சந்தித்து பேசி குதூகலித்து வருகிறார். மேலும், வில் ஸ்மித்தை வரவேற்க பாலிவுட் நடிகர்கள் நடிகர்களும், அவரை வீட்டிற்கு அழைத்து உபசிரத்து வருகின்றனர்.

இந்நிலையில்,நேற்று ஹரித்துவாருக்குச் சென்ற வில் ஸ்மித் அங்குள்ள புகழ்பெற்ற சிவன் கோயிலுக்குச் சென்று பிராத்தனை செய்தார். மேலும், கோயிலில் இருந்த குருமார்களுடன் பேசிய வில் ஸ்மித் ஜோதிடத்தை பற்றியும் கேட்டறிந்தார். அப்போது அவருக்கு ஜோசியம் பார்த்த ஜோதிடர்கள், அவருக்கு சனி இருப்பதாகவும் அதற்கு தக்க பரிகாரம் செய்தால் நன்றாக இருக்கும் என்றும் கூறினர்.

முதலில் ஜோதிடத்தைப் பற்றி புரியாத வில் ஸ்மித், அவருடைய வாழ்க்கை நிகழ்வுகள் பற்றி ஜோதிடர்கள் கூறியதும், அவருக்கு ஈர்ப்பு வந்துவிட்டது. பின்னர், ஜோதிடர்கள் கூறியபடி ருத்ர பரிகாரம், அபிஷேகம், பூஜைகள் செய்தார். வில் ஸ்மித் பூஜை பரிகாரங்கள் செய்யும் வீடியோ தற்போது சமூக வலைதளங்களில் வைரலாக பரவி வருகின்றன.