வளர்ந்து வரும் தொழிநுட்பத்தால் குடும்பத்தில் ஒருவராக மாறிவிட்டது கூகுள். மிகைப்படுத்தப்பட்ட வார்த்தையாக அல்லாமல் உண்மையில் இப்போது எந்த நல்லது கெட்டது என்றாலும் கூகுளைக் கேட்டே முடிவு எடுக்கின்றனர். மொபைல் போனின் திரைகள் வழியே அன்றாட வாழ்க்கையை அணுகும் காலகட்டத்தில் பக்கத்து தெருவுக்கு போக வேண்டும் என்றாலும் கூகுள் மேப்பின் துணை வேண்டியிருக்கிறது. எந்த இடத்தைப் பற்றி தகவல் வேண்டுமானாலும் தகவல் வழங்கும் கூகுள் இப்போது உடல் உபாதைகளால் அவசரமாக கழிப்பறைக்கு செல்லவேண்டும் என்றால் நீங்கள் நிற்கும் இடத்திற்கு அருகில் எந்த பொது கழிப்பறை இருக்கிறது என்பதை காட்டிவிடும். உண்மையில் இந்தத் திட்டம் இந்தியா போன்ற நாடுகளில் மிக முக்கியமானதும் அவசரமானதும்கூட. திரும்பும் திசைகள் எல்லாம் வழிபாட்டு இடங்களும், கோவில்களும், டாஸ்மாக் கடைகளும் நிறைந்திருக்கும் நம் நாட்டில் பொது கழிப்பறைகளைத் தேடத் தான் வேண்டியுள்ளது. மக்கள் அதிகமாக வரும் வணிக நிறுவனங்களில் இது போன்ற அடிப்படை வசதிகள் செய்து தரப்படுவதில்லை. குறிப்பாக கழிப்பறை இல்லாத, தூய்மையாக பராமரிக்காத ரயில் நிலையங்களும், பேருந்து நிலையங்களும் நிறைய உள்ளன.
இந்நிலையில் அவசரமாக கழிப்பறைகளுக்கு செல்லவேண்டும் என்பவர்களுக்கு அருகிலிருக்கும் கழிப்பறைகளை கூகுள் மேப்பில் பார்த்து தெரிந்து கொள்ளலாம்.
தூய்மை இந்தியா திட்டமும், வீட்டு வசதி மற்றும் நகர்ப்புற வளர்ச்சித்துறை அமைச்சகமும் இணைந்து 2016ஆம் ஆண்டு புது டில்லி, போபால், இந்தூர் ஆகிய நகரங்களில் சோதனை முயற்சியாக இந்தத் திட்டம் தொடங்கப்பட்டது. தற்போது நாடு முழுவதும் 2300 நகரங்களுக்கு விரிவுபடுத்தப்பட்டுள்ளது. இதில் 57,000 பொது கழிப்பறைகள் இணைக்கப்பட்டுள்ளன.
இந்நிலையில் அவசரமாக கழிப்பறைகளுக்கு செல்லவேண்டும் என்பவர்களுக்கு அருகிலிருக்கும் கழிப்பறைகளை கூகுள் மேப்பில் பார்த்து தெரிந்து கொள்ளலாம்.
தூய்மை இந்தியா திட்டமும், வீட்டு வசதி மற்றும் நகர்ப்புற வளர்ச்சித்துறை அமைச்சகமும் இணைந்து 2016ஆம் ஆண்டு புது டில்லி, போபால், இந்தூர் ஆகிய நகரங்களில் சோதனை முயற்சியாக இந்தத் திட்டம் தொடங்கப்பட்டது. தற்போது நாடு முழுவதும் 2300 நகரங்களுக்கு விரிவுபடுத்தப்பட்டுள்ளது. இதில் 57,000 பொது கழிப்பறைகள் இணைக்கப்பட்டுள்ளன.