கூகுள் மொழிபெயர்ப்பு பயன்படுத்தி உஸ்பெகிஸ்தான் பெண்ணுக்கு அறுவை சிகிச்சை - இந்திய மருத்துவர்கள் சாதனை

Google Translate helped doctors treat Uzbek patient in Hyderabad
கூகுள் மொழிபெயர்ப்பு பயன்படுத்தி உஸ்பெகிஸ்தான் பெண்ணுக்கு அறுவை சிகிச்சை - இந்திய மருத்துவர்கள் சாதனை
ஐதராபாத் : கூகுள் மொழிபெயர்ப்பு உதவி கொண்டு உஸ்பெகிஸ்தான் பெண்ணுக்கு அறுவை சிகிச்சையை வெற்றிகரமாக செய்து சாதித்துள்ளனர் ஐதராபாத் மருத்துவமனை மருத்துவர்கள்.

உஸ்பெகிஸ்தானைச் சேர்ந்த 58 வயதான கவ்கர்ஜன் கஃபிஜோவா பல்வேறு உடல் பிரச்னைகளுடன் மூட்டு மாற்று அறுவை சிகிச்சைக்காக இந்தியாவுக்கு வந்தார்.

இந்நிலையில் அவருக்கு ஆங்கிலம் தெரியாததால் மருத்துவர்கள் சிகிச்சை அளிப்பதில் பிரச்னை ஏற்பட்டது. மேலும் அறுவை சிகிச்சைக்கு முன் அவருக்கு உள்ள மூன்று முக்கிய பிரச்னைகளான கல்லீரல் செயலிழப்பு, சுவாசிப்பதில் சிரமம் மற்றும் குறைந்த ரத்ததட்டுக்களின் எண்ணிக்கை என பல பிரச்னைகள் இருந்தனர். அதைத்தாண்டி அவருக்கு மூட்டு மாற்று அறுவைசிகிச்சை செய்ய வேண்டியிருந்தது.


கஃபிஜோவாவுக்கு ஆங்கிலம் தெரியாததால் அவரின் மருத்துவ சிகிச்சை குறிப்புகள், அவரின் உடல் நிலையை கேட்டறிவதில் மருத்துவர்களுக்கு பிரச்னை இருந்தது.

கடைசியில் கஃபிஜோவாவுக்கும் - மருத்துவர்களுக்குமிடையே கூகுள் மொழிபெயர்ப்பு ஆன்லைன் டூல் மூலம் மருத்துவர்கள் நோயாளியின் பிரச்னை அறிந்து அறுவை சிகிச்சையை வெற்றிகரமாக முடித்துள்ளனர்.