ஜிஎஸ்டி கவுன்சில் கூட்டம்: சோப்பு, ஷாம்பூ, பேனா, பென்சில் விலை குறையும்

ஜிஎஸ்டி கவுன்சில் கூட்டம் 23வது முறையாக அசாம் மாநிலம் கவுகாத்தியில் இன்று நடைபெறுகிறது. இதில் 28 சதவீதம் ஜிஎஸ்டி விதிக்கப்பட்டுள்ள பொருட்களின் வரி விகிதம் குறைக்கப்படலாம் என்று கூறப்படுகிறது.

தினசரி பயன்பாட்டு தேவைப்படும் 200 பொருட்களின் வரியைக் குறைக்க வாய்ப்பு உள்ளதாகத் தெரிகிறது. ஜிஎஸ்டி வரி விதிப்பு முறைப்படி 5, 12, 18 மற்றும் 28 சதவீதம் என நான்கு விகிதங்களில் வரிகள் விதிக்கப்படுகின்றன. இதில், 28 சதவீதம் வரி விதிக்கப்படும் பொருட்களின் வரி விகிதம் 80 சதவீதம் குறைக்கப்பட்டு 18 சதவீதம் ஜிஎஸ்டிக்குள் பெரும்பாலான பொருட்கள் வந்துவிடும் என்றும் தகவல் வெளியாகியுள்ளது.

குறிப்பாக குளியல் சோப், ஷாம்பூ, வாட்ச், சூட்கேஸ், ப்ளைவுட், எழுதுபொருட்கள், விளையாட்டுப் பொருட்கள் ஆகியவை மீதான வரி குறையும் என்று கருதப்படுகிறது.