ஹர்தீக் பாட்டீலுக்குத் திருமணம்

குஜராத் பாட்டிடார் சமுதாய போராளி மற்றும் சமூக ஆர்வலர் ஹர்திக் பாட்டிலுக்கு விரைவில் திருமணம் நடைபெற உள்ளது. இவர் தனது பால்ய கால தோழியை மணக்கவுள்ளார்.

குஜராத்தில் பிறந்த ஹர்திக் பாட்டீல், படேல் சமுதாய தலைவராக பதவி வகித்து அவரது சமுதாயத்துக்கு அரசிடம் இருந்து பலவித சலுகைகளை வாங்கிக்கொடுத்து பிரபலமானவர். குஜராத் அரசியலில் தவிர்க்கமுடியாத ஓர் ஜாதி சங்கத் தலைவர் இவர். அனைத்து கட்சிகளும் பட்டேல் சமுதாயத்தினர் ஓட்டுக்காக இவரிடமே அதரவு கோர வரிசையில் நிற்கவேண்டும்.

இவர் காங்கிரஸ் கட்சியை ஆதரித்தார். 25 வயதாகிய பாட்டீல் தன் இளவயது தோழியான கிஞ்சல் பரிக்கை மணக்கவுள்ளார்.

ஜன.,27 அன்று நடைபெற உள்ளது இவர்களது திருமணம்.அகமதாபாத் மாநிலத்தில் உள்ள சண்டனகரி கிராமத்தில் ஹர்திக்கும் கிஞ்சலும் பக்கத்து பக்கத்து வீட்டுகளில் ஒன்றாக வளர்ந்தனர்.

திருமணத்துக்குப் பின்னர் இருவரும் தங்களது பூர்வீகமான விராம்காமுக்கு குடி பெயர உள்ளனர். ஹர்திக் குடும்பத்தினரின் குலதெய்வக் கோவிலான பஹுசர் மற்றும் மெல்டி மெஹதா கோவிலில் திருமணம் நடைபெற உள்ளது என ஹர்தீக்கின் தந்தை பாரத் பாட்டீல் தெரிவித்துள்ளார்.