இனி ஆண்களுக்கும் மகப்பேறு விடுமுறை; வாரி வழங்கிய மாநில அரசு!

சண்டிகர்: ஆண்களுக்கும் மகப்பேறு விடுமுறை அளிக்க மாநில அரசு முடிவு செய்துள்ளது.

அரசு மற்றும் தனியார் துறைகளில் பணிபுரியும் பெண்களுக்கு மகப்பேறு விடுமுறை வழங்கப்படுவது வழக்கம். இது தங்கள் குழந்தைகளை நன்கு பராமரித்துக் கொள்ள, பெண்களுக்கு பெரிதும் உதவுகிறது.

இந்நிலையில் அரியானா மாநிலத்தில் ஆண்களுக்கும் மகப்பேறு விடுமுறை அளிக்க உத்தரவு வெளியிடப்பட்டுள்ளது.

இதுதொடர்பாக உத்தரவில், பிறந்த குழந்தையை முதல் 15 நாட்களுக்கு தாயால் மட்டும் பராமரிப்பது கடினம்.

எனவே அரசுத் துறையில் பணிபுரியும் ஆண் ஊழியர்களுக்கு 15 நாட்கள் மகப்பேறு விடுமுறை அளிக்கப்படுவதாக முதலமைச்சர் மனோகர் லால் தெரிவித்துள்ளார்.

ஆனால் இந்த சலுகை தனியார் நிறுவனங்களுக்கு பொருந்தாது என்பது குறிப்பிடத்தக்கது.

மேலும் பெண் போலீஸ் படைகளின் வலிமையை அதிகரிக்கும் வகையில், அவர்களின் எண்ணிக்கை 11%ல் இருந்து 20%ஆக அதிகரிக்க முடிவு செய்யப்பட்டுள்ளது.

Haryana Govt decides to give 15 days Paternity leave.