மனிதர்களுக்கு பொதுவாக வலதுபக்கம் கல்லீரலும், இடதுபக்கம் இதயமும் இருக்கும். ஆனால், இது தலைகீழாக மாறி மருத்துவர்களையே வியக்க வைத்திருக்கிறார் ஒரு பெண்.

மத்திய பிரதேசம் மாநிலத்தை சேர்ந்த பெண் ரம்காலி சவுதரி. இவருக்கு வயது 30. இவருக்கு நான்கு குழந்தைகள் இருக்கின்றனர். ரம்காலிக்கு திடீரென வயிற்று வலி ஏற்பட்டதால் மாவட்ட மருத்துவமனைக்கு சென்றுள்ளார்.

சொனோகிராபி பரிசோதனை செய்துகொள்ளும்படி ரம்காலியிடம் மருத்துவர்கள் அறிவுறுத்தினர். அதன்பிறகுதான் அனைவருக்குமான ஆச்சர்யம் காத்துக்கொண்டு இருந்தது. ரம்காலிக்கு வலதுபக்கம் இதயமும், இடதுபக்கம் கல்லீரலும் இருப்பது பரிசோதனையில் தெரியவந்தது.

தடுப்பூசி கிடைக்கும் வரை ஓயக்கூடாது: பிரதமர் மோடி உரை!

ரம்காலிக்கு இதயமும், கல்லீரலும் மட்டுமல்ல, வயிற்றுப் பகுதியில் இடதுபக்கம் இருக்க வேண்டிய அனைத்து உறுப்புகளும் வலப்பக்கத்திலும், வலதுபக்கத்தில் இருக்க வேண்டிய அனைத்து உறுப்புகளும் இடதுபக்கத்திலும் இருந்தது கண்டுபிடிக்கப்பட்டது.

situs inversus எனப்படும் அரிதினும் அரிதான உடல்நிலைதான் இது. மனிதர்களில் 0.1 விழுக்காட்டினருக்கு இந்த உடல்நிலை இருப்பதாக வல்லுநர்கள் கூறுகின்றனர். இதை தவிர ரம்காலிக்கு உடல் அளவில் எந்த பிரச்சினையுமின்றி இயல்பாகத்தான் இருக்கிறார்.

மருத்துவர்கள் சொன்னபிறகுதான் தனக்கு இத்தகைய நிலை இருப்பது தெரியவந்ததாக ரம்காலி கூறுகிறார். இந்த உடல் உறுப்புகள் இடம்மாற்றத்தால் சம்பந்தப்பட்ட நபருக்கு எந்தவொரு பிரச்சினையும் ஏற்படாது என மருத்துவர்கள் தெரிவித்துள்ளனர்.