இந்துத்துவா ஒரு பழமையான வாழ்க்கை முறை: வெங்கய்யா

பனாஜி: இந்துத்துவா என்பது ஒரு வாழ்க்கை முறை என்று துணை குடியரசுத் தலைவர் வெங்கய்யா நாயுடு தெரிவித்துள்ளார்.

இந்தியா பவுண்டேஷன் சார்பில் கோவாவில் நடைபெற்ற கருத்தரங்கில் துணை குடியரசுத் தலைவர் வெங்கய்யா நாயுடு பங்கேற்று உரையாற்றினார்.

அப்போது பேசிய அவர், “இந்து என்ற சொல்லை சிலர் மதம் சார்ந்த பார்வையில் அணுகுகிறார்கள். ஆனால், இந்து என்ற சொல் பல ஆண்டுகளாக மக்கள் ஒன்று கூடி ஒற்றுமையாக வாழ்வதற்கான அடையாளமாகவே விளங்குகிறது. இதை நம் பழமையான மரபிலிருந்து பெற்றிருக்கிறோம்.'' என்று கூறினார்.

இந்தியா சுதந்திரம் அடைந்த பிறகு சிலர் காலணி ஆதிக்க மனநிலையிலேயே உள்ளனர் என்றும் அவர்களை நினைத்து தான் வருந்துவதாகவும் வெங்கய்யா குறிப்பிட்டார்.