அமித் ஷாவிற்கே ஆப்பு வச்ச ட்விட்டர்; யாரு பாத்த வேலைடா இது?

மத்திய உள்துறை அமைச்சராகவும், பாஜக மூத்த தலைவராகவும் இருப்பவர் அமித் ஷா. பிரதமர் மோடியின் நெருங்கிய நண்பர். இவரது ட்விட்டர் கணக்கை 2 கோடியே 36 லட்சம் பேர் பின்தொடர்ந்து வருகின்றனர். இந்நிலையில் நேற்று (நவம்பர் 12) திடீரென அமித் ஷாவின் ட்விட்டர் கணக்கில் இருந்த அவரது புகைப்படம் நீக்கப்பட்டது. இதைக் கண்ட பலரும் அதிர்ச்சி அடைந்தனர்.

அந்த புகைப்படத்தை கிளிக் செய்தால், காப்புரிமை குற்றச்சாட்டு காரணமாக புகைப்படம் நீக்கப்பட்டு விட்டதாக தகவல் கிடைத்தது. இதனால் சில நிமிடங்கள் அமித் ஷாவின் கணக்கு முடங்கியிருந்தது.

இதையடுத்து அவரது ட்விட்டர் கணக்கு சரியான புகைப்படத்துடன் பழைய நிலைக்கு திரும்பிவிட்டது. இதுபற்றி ட்விட்டர் நிறுவனத்தின் செய்தித் தொடர்பாளர் கூறுகையில், ஒரு தவறான புகாரால் சர்வதேச காப்புரிமை விதிமுறைகளின் படி அமித் ஷாவின் ட்விட்டர் கணக்கு தற்காலிகமாக முடக்கி வைக்கப்பட்டது.

வேலை இழந்தவர்களுக்கு ரூ.5,000; நீதிமன்றம் பிறப்பித்த ஜாக்பாட் உத்தரவு!

இதைக் கவனித்து உடனடியாக தவறை சரிசெய்து பழைய நிலைக்கே ட்விட்டர் கணக்கு திரும்பும்படி மாற்றம் செய்யப்பட்டு விட்டது. தற்போது அவரது கணக்கு எந்தவித பிரச்சினையுமின்றி இயங்கி வருகிறது என்று தெரிவித்துள்ளார்.

இந்த தகவல் சமூக வலைதளங்களில் தீயாய் பரவ, அமித் ஷாவின் ட்விட்டர் கணக்கை யாரோ ஹேக் செய்துவிட்டார்களோ எனக் கருத்துகளை பதிவிடத் தொடங்கிவிட்டனர். மேலும் அமித் ஷாவிற்கே வேட்டு வைத்தவர் யாராக இருப்பார்கள் என்று கேள்விகளை முன்வைத்து வருகின்றனர்.