கேரளாவில் மழை வெள்ளம் குறித்து உள்துறை அமைச்சா் ஆய்வு

கேரளாவில் மழை வெள்ளம் மற்றும் நிலச்சரிவு காரணமாக பாதிக்கப்பட்ட இடங்களை மாநில முதல்வா் பினராயி விஜயனுடன் இணைந்து மத்திய உள்துறை அமைச்சா் ராஜ்நாத்சிங் இன்று நேரில் ஆய்வு செய்தாா்.

தென்மேற்கு பருவமழை கேரளாவின் பல்வேறு பகுதிகளில் மிகவும் தீவிரமடைந்துள்ளதால் மாநிலம் பெரும் இழப்பை சந்தித்துள்ளது. கடந்த 50 ஆண்டுகளில் இல்லாத அளவில் மழை பெய்துள்ள நிலையில் மழை வெள்ளம், நிலச்சரிவில் சிக்கி உயிாிழந்தவா்களின் எண்ணிக்கை 33ஆக உயா்ந்துள்ளது. 53 ஆயிரத்திற்கும் மேற்பட்ட மக்கள் வீடுகளை இழந்து நிவாரண முகாம்களில் தங்க வைக்கப்பட்டுள்ளனா்.

இது தொடா்பாக அம்மாநில முதல்வா் பினராயி விஜயன் தனது ட்விட்டா் பக்கத்தில், “முன்னெப்போதும் இல்லாத அளவிற்கு மழையால் கேரளா பேரழிவை சந்தித்துள்ளது; பாதிக்கப்பட்ட பகுதிகளை மீண்டும் கட்டமைப்பது கடினமான பணியாக இருக்கும் நிவாரண பணிகளுக்கு அனைவரும் பங்களிக்குமாறு அறிவுறுத்தப்பட்டுள்ளது” என்று குறிப்பிட்டுள்ளாா்.

இந்நிலையில் கேரளாவின் கண்ணூர், வயநாடு, கோழிக்கோடு, இடுக்கி, மலப்புரம் ஆகிய 5 இடங்கள் கனமழையால் கடுமையாக பாதிக்கப்பட்டுள்ளதாக இந்திய ராணுவம் தொிவித்துள்ளது.


மேலும் வெள்ளம் மற்றும் நிலச்சரிவால் பாதிக்கப்பட்ட பகுதிகளை முதல்வா் பினராயி விஜயனுடன் இணைந்து மத்திய உள்துறை அமைச்சா் ராஜ்நாத் சிங் பாா்வையிட்டாா். அடுத்து வரும் 3 நாள்கள் கேரளாவில் கனமழை பெய்யக்கூடும் என்று வானிலை ஆய்வு மையம் எச்சரிக்கை விடுத்துள்ள நிலையில் பல்வேறு தரப்பினரும் நிதியுதவி வழங்கி வருகின்றனா்.