காதிற்குள் புகுந்து கலாட்டா செய்த சிலந்தி

பெங்களுரு: பெண்ணின் காதிற்குள் புகுந்து கலாட்டா செய்த சிலந்தி ஒன்றை மருத்துவர்கள் உயிருடன் வெளியே எடுத்து அசத்தியுள்ளனர்.

கர்நாடக மாநிலம் பெங்களுரைச் சேர்ந்தவர் லட்சுமி. இவர் மதியம் தன் வீட்டு உள்ள வராண்டாவில் தூங்கிகொண்டிருந்திருக்கிறார். கொஞ்ச நேரத்திலேயே கடும் தலைவலியால் அவருக்கு விழிப்பு தட்டியிருக்கிறது.

தொடர்ந்து தலைவலி நீடிக்கவே அருகில் உள்ள மருத்துவமனைக்குச் சென்றிருக்கிறார். அவரை பரிசோதனை செய்த மருத்துவர்கள் அவருடைய காதில் ஒரு சிலந்தி உயிருடன் உலா வருவதைக் கண்டிபிடித்துள்ளனர்.

சில போராட்டங்களுக்குப் பின் சிலந்தி காதிற்குள்ளிருந்து வெளியே வர வைத்திருக்கிறார்கள். சிலந்தி காதில் புகுந்ததால் லட்சுமிக்கு எந்த பாதிப்பும் ஏற்படவில்லை என்றும் இனியும் எந்த ஆபத்தும் இல்லை என்றும் மருத்துவர்கள் தெரிவித்துள்ளனர்.

உயிருடன் சிலந்து காதிலிருந்து வெளியேறும் வீடியோ காட்சி சமூக வலைதளங்களில் வரைலாகிவிட்டது.