பாகிஸ்தான் ஹேக்கர்கள் அட்டகாசம்: டெல்லி ஐஐடி இணையதளம் முடக்கம்

டெல்லி தகவல் தொழில்நுட்பக் கல்வி நிறுவனத்தின் இணையதளத்தை பாகிஸ்தானைச் சேர்ந்த ஹேக்கர்கள் முடக்கியுள்ளனர்.

டெல்லி ஐஐடியின் அதிகாரப்பூர்வ இணையதளம் (http://www.iitd.ac.in/) செவ்வாய்க்கிழமை பாகிஸ்தான் ஹேக்கர்களால் முடக்கப்பட்டது. முடக்கப்பட்ட இணையதளத்தில் இந்தியர்கள் பாகிஸ்தான் ஜிந்தாபாத் என்று கூறுவதாக குறிப்பிடப்பட்டுள்ளது.

தளத்தின் பின்னணியில் காஷ்மீர் பாகிஸ்தானுடையதாகும் என்று உரிமை கோரும் பாடல் ஒன்றும் ஒலிக்கிறது. இந்திய ராணுவம் காஷ்மீரில் நடத்திய வன்முறைச் சம்பவங்கள் என யூட்யூப் வீடியோக்களும் தளத்தில் தோன்றுகிறது.

தற்போது, டெல்லி ஐஐடி இணையதள நிர்வாகத்தின் மூலம் இணையதளம் முற்றிலும் செயலிழக்கச் செய்யப்பட்டுள்ளது.