பெண்களை மட்டும் ஏற்றிக்கொண்டு உலகை சுற்றிய விமானம்

பெண்கள் தினத்தை முன்னிட்டு ஏர் இந்தியா நிறுவனம் உலக சாதனைக்காக முற்றிலும் பெண் ஊழியர்களால் உலகை சுற்றிய விமானம் டெல்லி வந்தடைந்தது.

வருகிற 8ம் தேதி சர்வதேச பெண்கள் தினம் கொண்டாடப்படுகிறது. இதன் காரணமாக உலக சாதனைக்காக ஏர் இந்தியா நிறுவனம் முற்றிலும், பெண் ஊழியர்களை கொண்டு ஒரு சாதனைக்கு திட்டமிட்டது. அதான் பெண் ஊழியர்களைக் கொண்டு இந்த உலகத்தைச் சுற்றி வரும் திட்டம்.

அதன்படி கடந்த பிப்ரவரி மாதம் 27ம் தேதி டெல்லியில் இருந்து போயிங் ரக ஏர் இந்தியா விமானம் அமெரிக்காவின் சார் பிரான்சிஸ்கோ நகருக்கு புறப்பட்டுச் சென்றது. அப்போது பசிபிக் நாடுகள் வழியாக சென்றது. ஆனால், வரும் போது அட்லாண்டிக் நாடுகள் வழியாக உலகையே சுற்றி மீண்டும் டெல்லி வந்தடைந்தது.

இந்த விமானத்தில், பயணிகளின் பொருட்களை பரிசோதித்தவர், ஓடுபாதை பணியாளர்கள், விமானம் பரிசோதித்த, பறக்க அனுமதித்த என்ஜினியர்கள், விமானம் தரை இறங்க அனுமதி அளித்த கட்டுப்பாட்டு கோபுர ஊழியர்கள் உள்பட அனைவருமே பெண்களாக இருந்தனர். இந்த சாதனைக்காக கின்னஸ் மற்றும் லிம்கா சாதனை புத்தக நிறுவனத்திடமும் ஏர் இந்தியா நிறுவனம் விண்ணப்பித்துள்ளது.

In a historic step, Air India has claimed that it had world's first passenger journey around the world with an all-women crew last week.