இனி, சத்துணவுத் திட்டத்தில் 6 முட்டைகள்!

ஹைதராபாத்: பள்ளி சத்துணவுத் திட்டத்தின் கீழ் மாணவர்களுக்கு தினமும் 6 முட்டைகள் வழங்க தெலுங்கானா அரசு முடிவுசெய்துள்ளது.

தெலுங்கானா மாநிலத்தில் பள்ளி சத்துணவுத் திட்டத்தின் கீழ் இதுவரை வாரத்திற்கு 3 முட்டைகள் வழங்கப்பட்டு வருகின்றன. இதனை இரட்டிப்பாக்கி வாரத்திற்கு 6 முட்டைகள் வழங்க அம்மாநில அரசு முடிவு செய்துள்ளது.

இது குறித்து பேசியுள்ள அம்மாநில கல்வித்துறை அமைச்சர் கடியம் ஸ்ரீஹரி, “மதிய உணவுத் திட்டத்திற்காக ரூ.200 கோடி தொகையை மாநில அரசு செலவிட்டு வருகிறது. இதன் மூலம் 23 லட்சம் மாணவர்களுக்கு உணவளிக்கப்படுகிறது.” என்று கூறியுள்ளார்.

மேலும், “மதிய உணவுத் திட்டத்திற்கான நிதியை உயர்த்துவதற்கு திட்டமிட்டுள்ளோம். வாரம் 6 முட்டைகள் வழங்கவதற்கு அனுமதி வழங்கக்கோரி முதல்வரிடம் கோரிக்கை வைத்திருக்கிறோம்” என்றும் அவர் தெரிவித்துள்ளார்.