டி20 உலககோப்பை: இந்தியாவுக்கு எதிரான ஆட்டத்தில் நியூசிலாந்து வெற்றி

நாக்பூர்: 2016 டி20 உலக கோப்பையில், இந்தியாவுக்கு எதிரான ஆட்டத்தில் நியூசிலாந்து அணி 47 ரன்கள் வித்யாசத்தில் வெற்றிபெற்றுது.

கடந்த வாரத்தில் துவங்கிய 2016 டி20 உலக கோப்பையில், தகுதி சுற்று ஆட்டங்கள் முடிவடைந்த நிலையில், இன்று துவங்கிய சூப்பர் டென் பிரிவில் முதல் ஆட்டத்தில் இந்தியா மற்றும் நியூசிலாந்து அணிகள் மோதின.

இன்றைய ஆட்டத்தில் டாஸ் வென்ற நியூசிலாந்து அணி முதலில் பேட்டிங் செய்ய முடிவெடுத்தது. நியூசிலாந்து அணி நிர்ணயிக்கப்பட்ட 20 ஓவர்களில் 7 விக்கெட்டுகள் இழப்புக்கு 126 ரன்கள் குவித்தது. இந்திய தரப்பில் அஸ்வின், ஜடேஜா, நெஹ்ரா, ரெய்னா மற்றும் பூம்ரா என பந்துவீசிய அனைவரும் தலா ஒரு விக்கெட்டை எடுத்தனர்.

பின்னர் 127 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணி தொடக்கம் முதலே நியுசிலாந்து பந்துவீச்சை சமாளிக்க முடியாமல் தடுமாறினர். தொடக்கத்தில் ஆடிய தவான், ரெய்னா, கோலி,ரோகித் ஷ்ர்மா உள்ளிட்டோர் சொர்ப்ப ரன்களில் வெளியேறினர். அதிமபட்சமாக தோனி 30 ரன்கள் குவித்தார்.

இறுதியில் இந்திய அணி 18.1 ஓவரில் அனைத்து விக்கெட்டுகளை இழந்து 79 ரன்கள் எடுத்து தோல்வியடைந்தது.