ராணுவத்திற்கான அதிகம் செலவிடுவதில் இந்தியா 4வது இடம்

ராணுவத்திற்காக அதிகளவில் செலவிடும் நாடுகள் பட்டியலில் இந்தியா 4வது இடத்தை பிடித்துள்ளது.

உலக நாடுகள் தங்கள் நாட்டு பாதுகாப்பிற்காக தான் அதிகளவில் செலவிட்டு வருகின்றது. உலகளவில் ராணுவத்திற்காக அதிகம் செலவு செய்யும் 105 நாடுகளின் பட்டியலை ஐ.ஹெச்.எஸ் ஜேன் வெளியிட்டுள்ளது.

இந்த பட்டியலில் ரஷ்யா, சவுதி அரேபியா நாடுகளை பின்னுக்கு தள்ளி இந்தியா 4வது இடத்தை பிடித்துள்ளது. ஐரோப்பாவின் பவுண்டின் மதிப்பு சரிவை சந்தித்ததால் ராணுவத்திற்கான செலவும் குறைத்துள்ளது.

கடந்த 2010ம் ஆண்டை ஒப்பிடுகையில் சீனா தனது ராணுவத்திற்கான மேம்பாட்டு பட்ஜெட்டில் 2020ம் ஆண்டு வரை தனது செலவை இரு மடங்காக உயர்த்தியுள்ளது.
அதுமட்டுமல்லாது தென் சீன கடல் பிரச்னையில் வலுவாக செயல்பட இந்த ராணுவ தொகையை உயர்த்தியுள்ளதாக தெரிகிறது.

இந்த பட்டியலில் அமெரிக்க 622 பில்லியன் டாலர்கள் ஒதுக்கு தொடர்ந்து முன்னிலையில் உள்ளது. ஐரோப்பா 219 பில்லியன் டாலர்கள் மட்டும் ஒதுக்கியுள்ளது.