ஃபேஸ்புக், பப்ஜிக்கும் ‘நோ’: இந்திய ராணுவம் அதிரடி உத்தரவு!

இந்திய, சீன எல்லைப் பகுதிகளில் தொடர் பதற்றம் நீடித்து வரும் நிலையில் ஃபேஸ்புக், இன்ஸ்டாகிராம் உள்ளிட்ட ஆப்ஸ்களை நீக்க இந்திய ராணுவ வீரர்களுக்கு உத்தரவிடப்பட்டுள்ளது.

இந்தியாவுக்கும் சீனாவுக்கும் இடையேயான எல்லைப் பிரச்சினையை தீர்க்க இருதரப்பு பேச்சுவார்த்தை நடைபெற்று வந்த நிலையில் ஜூன் 15ஆம் தேதி கல்வான் பள்ளத்தாக்கு அருகே இரு ராணுவப் படையினரும் மோதிக்கொண்டனர். இதில் இருதரப்பிலுமே உயிர்சேதம் ஏற்பட்டுள்ளது. இந்திய வீரர்கள் 20 பேர் உயிரிழந்தனர். இரு நாட்டு ராணுவப் படைகளும் எல்லைக் கட்டுப்பாட்டுக் கோடு அருகே குவிக்கப்பட்டன.

இந்த மோதலைத் தொடர்ந்து நாடு முழுவதும் சீன தயாரிப்பு ஆப்ஸ்களுக்கு தடை விதிக்கப்பட்டுள்ளது. டிக் டாக், ஹலோ உள்ளிட்ட 59 ஆப்ஸ்களுக்கு தடை விதிக்கப்பட்டன.

நாங்கெல்லாம் அப்பவே அப்படி- கொரோனாவை வென்ற 106 வயது முதியவர்!

இந்நிலையில் தற்போது இந்திய ராணுவத்தினர் ஃபேஸ்புக், இன்ஸ்டகிராம் உள்ளிட்ட 89 ஆப்ஸ்களை தங்கள் ஸ்மார்ட்போன்களில் இருந்து நீக்க வேண்டும் என இந்திய ராணுவம் தெரிவித்துள்ளதாக தகவல் வெளியாகியுள்ளது.

வசமாக மாட்டிக் கொண்ட கேங்ஸ்டர் விகாஸ் துபே; அதுவும் இப்படியொரு சூழலில்!

உள்நாட்டு ரகசியத் தகவல்கள் கசிவதைத் தடுக்க ஃபேஸ்புக், டிக்டாக், ட்ரூ காலர், இன்ஸ்டாகிராம், வி சாட், ஹலோ சாட், ஷேர் சாட், ஹைக், ஷேர் ஹிட், செண்டெர், யூசி பிரவௌசர், யுசி பிரவௌசர் மினி, ஷூம், கேம் ஸ்கேன்னர், பியூட்டி பிளஸ், பப்ஜி, கிளாஸ் ஆஃப் கிங்ஸ், மொபைல் லிஜெண்ட்ஸ், கிளப் ஃபேக்டரி, டிண்டெர், 360 செக்யூரிட்டி, ஸ்நாப் சாட், தம்பிர், ரெட்டிட் உள்ளிட்ட 89 செயலிகளை ராணுவ வீரர்கள் தங்கள் ஸ்மார்ட்ஃபோன்களில் இருந்து நீக்க வேண்டும் என இந்திய ராணுவம் தெரிவித்துள்ளதாக ஏஎன்ஐ நிறுவனம் செய்தி வெளியிட்டுள்ளது.