மேரேஜிக்கு வருவீங்களா.? வீடியோ காலில் நிச்சயதார்த்தம்... இந்த கூத்தை பாருங்க..!

உற்றார் உறவினர்கள் சூழ நடைபெறும் திருமண நிகழ்வானது அனைவரது வாழ்க்கையிலும் புனிதமான ஒன்று. இன்றைய காலகட்டத்தில் மணமக்களை நேரில் வந்து வாழ்த்த முடியாதவர்கள் வீடியோ கால் மூலம் வாழ்த்து தெரிவிப்பது எளிமையாகிவிட்டது.

ஆனால் மனமக்களே வீடியோ காலில் நிகழ்ச்சியில் கலந்துகொண்ட நிகழ்வு வியப்பை ஏற்படுத்தியுள்ளது. வட மாநிலத்தில் திருமணம் செய்து கொள்ளப்போகும் மணமக்கள் வெவ்வேறு இடங்களில் வேலை செய்து வருவதாக கூறப்படுகிறது. இந்த நிலையில் அவர்களுடைய பெற்றோர் சரியான தேதியை குறித்து அவர்களுடைய நிச்சயதார்த்த நிகழ்ச்சிக்கு ஏற்பாடு செய்துள்ளனர்.


ஆனால் அந்த நாளில் அவர்களுக்கு விடுமுறை கிடைக்காததால் வீடியோ கால் மூலமாக அவர்களுடைய நிச்சயதார்த்தத்தை முடித்துக்கொள்ளலாம் என பெற்றோர் தரப்பில் முடிவு செய்யப்பட்டுள்ளது. அதன்படி தனிதனி செல்போன் மூலம் அவர்களை வீடியோ காலில் அழைத்து நிச்சயதார்த்தம் முடியும் வரை தொடர்பில் இருக்க செய்துள்ளனர்.

பின்னர் இந்து முறைப்படி இரு வீட்டாரும் ஐயரை அழைத்து நிகழ்ச்சியை தொடங்கினர். மணமக்களும் தாங்கள் இருக்கும் இடத்திலிருந்தே அவர்களுக்கு நடக்கும் நிச்சயதார்த்த சடங்குகளை கவனித்துக்கொண்டு இருக்க, இரு வீட்டாரும் தாம்பூல தட்டை மாற்றிக்கொண்டனர்.

twitter: அதிகம் பேர் ‘ஃபாலோ’ செய்யும் இந்திய அரசியல்வாதிகள்

வீடியோ கால் வசதி சமூகத்தில் எந்த அளவிற்கு மாற்றத்தை ஏற்படுத்தியுள்ளது என்பதற்கு இந்த நிகழ்வு ஒரு சான்றாக அமைந்துள்ளது. இந்த வீடியோவை பார்த்த பலரும் திருமணத்திற்காவது மணமக்கள் கலந்துகொள்வார்களா என கேலியாக விமர்சித்து வருகின்றனர்.