நடப்பாண்டில் இந்திய பொருளாதாரம் 5.9 சதவீதமாக சுருங்கிவிடும்: ஐ.நா.கணிப்பு

கொரோனா பெருந்தொற்று உலகம் முழுவதும் வரலாறு காணாத வகையில் பல்வேறு நெருக்கடிகளை ஏற்படுத்தி வருகிறது. பரவும் கொடிய தொற்று என்பதால் உலக மக்கள் பல வகையான நெருக்கடிகளுக்கு ஆளாகியுள்ளனர். ஏராளமானோர் வாழ்வாதாரம் இழந்துள்ளனர். கொரோனா தடுப்பு நடவடிக்கையாக அமல்பாடுத்தப்பட்டுள்ள பொது முடக்கத்தால் பொருளாதாரம் கடுமையாக பாதிக்கப்பட்டுள்ளது.

இந்த நிலையில், பொது முடக்கம் காரணமாக இந்திய பொருளாதாரம் நடப்பாண்டில் 5.9 சதவீதமாக சுருங்கி விடும் என்று ஐக்கிய நாடுகள் சபையின் வர்த்தகம் மற்றும் மேம்பாட்டு அமைப்பு தனது அறிக்கையில் தெரிவித்துள்ளது. அதேசமயம், இந்திய பொருளாதாரமானது அடுத்த ஆண்டு 3.9 சதவீதம் அதிகரிக்கும் என்றும் அந்த அமைப்பு தெரிவித்துள்ளது.

கொரோனா சூழலில் உலக பொருளாதாரம் கடுமையாக சரிந்து நெருக்கடியைச் சந்தித்து வருகிறது. உலக பொருளாதார வளச்சி நடப்பாண்டில் 4.3 சதவீதமாக இருக்கும். இதனால் உலக அளவில் ரூ.441 லட்சம் கோடி அளவுக்கு இழப்பு ஏற்படும் என்றும் ஐ.நா.சபையின் சபையின் வர்த்தகம் மற்றும் மேம்பாட்டு அமைப்பு தெரிவித்துள்ளது.

தெருவோர வியாபாரிகள் 2 லட்சம் பேருக்குக் கடன்!

மேலும் அந்த அறிக்கையில், “கொரோனா தொற்று பரவலைத் தடுக்க பொது முடக்கத்தை மட்டுமே உலக நாடுகள் நம்பியிருந்ததால், பொருளாதார நெருக்கடி அதிகரித்துவிட்டது. சர்வதேச பொருளாதாரம், வர்த்தகம் ஆகியவை ஐந்தில் ஒரு பங்கு பாதிப்புக்கு உள்ளாகும். அந்நிய முதலீடுகள் 40 சதவீதம் குறையும். 2021ஆம் ஆண்டு பொருளாதாரம் வளர்ச்சிப் பாதைக்கு திரும்பும் என்றாலும், பல நாடுகளில் அது சமநிலையாக இருக்காது. எனவே, பல நாடுகளில் நிறுவனங்கள் மூடப்படும், வேலையிழப்பு அதிகரிக்கும்” என்றும் தெரிவிக்கப்பட்டுள்ளது.

அரசு, தனியார் நிறுவனங்களின் கடன் அளவு வரலாற்றில் இல்லாத அளவுக்கு அதிகரித்துள்ளதாக சுட்டிக் காட்டப்பட்டுள்ள அந்த அறிக்கையில், தவறான பொருளாதார கொள்கைகள் மற்றும் தவறுகளைத் திருத்தாமல் செயல்படுவது நிதி நெருக்கடியை மேலும் அதிகப்படுத்தும் எனவும் எச்சரிக்கை விடுக்கப்பட்டுள்ளது.

அமெரிக்காவின் பொருளாதார வளா்ச்சி 5.4 சதவீதம் குறையும். இது, 2021ஆம் ஆண்டில் 2.8 சதவீதம் அதிகரிக்கும். அதேபோல், சீனாவின் பொருளாதார வளர்ச்சி நடப்பாண்டில் 1.3 சதவீதமும், 2021ஆம் ஆண்டில் 8.1 சதவீதமும் அதிகரிக்கும் என்றும் ஐ.நா.சபையின் சபையின் வர்த்தகம் மற்றும் மேம்பாட்டு அமைப்பு கணித்துள்ளது.

SBI Kisan Credit Card: எப்படி வாங்குவது, என்னென்ன ஆவணங்கள் தேவை?

வளர்ந்த நாடுகளிலேயே உற்பத்தித் துறையில் 2 சதவீதம் அளவுக்கு சரிவு ஏற்பட வாய்ப்புள்ளது. வளரும் நாடுகளும் கடுமையாக பாதிக்கப்படும். அந்த நாடுகளில் 9 முதல் 12 கோடி மக்கள் கடுமையான வறுமைக்கு தள்ளப்படுவார்கள். சுமார் 30 கோடி பேர் உணவு தட்டுப்பாட்டால் பாதிக்கப்படுவர் என்றும் அந்த அறிக்கையில் கணிக்கப்பட்டுள்ளது.

வேலைவாய்ப்புகளை அதிகரிப்பது, ஊதியத்தை அதிகரிப்பது, பொருளாதாரத்தை மேம்படுத்துவது போன்ற மறுசீரமைப்பு நடவடிக்கைகளை உலக நாடுகள் தைரியமாக எடுக்க வேண்டும் என்றும் ஐ.நா.சபையின் சபையின் வர்த்தகம் மற்றும் மேம்பாட்டு அமைப்பு வலியுறுத்தியுள்ளது.