ராணுவ வீரர்கள் தீபாவளி கொண்டாட்டம்: கடும் குளிரில் ஆடல் பாடல்!

துணை ராணுவப் படையான இண்டோ திபத்திய எல்லை காவல் வீரர்கள் இன்று லடாக்கில் 0 டிகிரிக்கும் குறைவான கடும் குளிரில் 17,000 அடி உயரத்தில் தீபாவளியை கொண்டாடினர். இவர்கள் அனைவரும் இந்திய-சீன எல்லையில் பாதுகாப்பு பணியில் ஈடுபட்டிருக்கும் வீரர்கள் என்பது குறிப்பிடத்தக்கது.

அகல் விளக்கு ஏற்றி, பூஜை செய்து, அனைவரும் நடனமாடி -20 டிகிரி குளிர்நிலையில் தீபாவளியை கொண்டாடினர். லடாக்கில் உள்ள ஒரு சாவடியில் இந்த கொண்டாட்டங்கள் அரங்கேறின. இப்பகுதியில் குளிர்காலத்தில் -40 டிகிரிக்கும் கீழ் குளிரடிக்கும் என்று கூறப்படுகிறது.

மேலும், வீரர்கள் முன்னாள் பிரதமர் வாஜ்பாய் எழுதிய ‘ஆவோ பிர் பிர் தியா ஜலாயீன்’ கவிதையை பாடி அதை நாட்டுக்கு டெடிகேட் செய்தனர்.

தீபாவளி பண்டிகையன்று எல்லையில் பாதுகாக்கும் ராணுவ வீரர்களுக்கு மரியாதை செலுத்துவதற்காக மக்கள் தங்கள் வீட்டில் தனி விளக்கு ஏற்ற வேண்டுமென பிரதமர் நரேந்திர மோடி கேட்டுக்கொண்டுள்ளார்.