காதலரை கரம்பிடித்த இரோம் ஷர்மிளா!!

பல தடைகளைத் தாண்டி இன்று இரும்புப் பெண்மணி இரோம் ஷர்மிளாவின் திருமணம் நடந்து முடிந்தது. கக்கூஸ் பட இயக்குநர் திவ்ய பாரதி மணப் பெண் தோழியாக இந்த நிகழ்வில் பங்கேற்றார். மேலும் பொதுமக்களும் இந்த நிகழ்ச்சியில் கலந்துகொண்டனர் .
16 வருடங்களாக மணிப்பூர் மக்களுக்காக உண்ணாவிரதம் இருந்தவர் இரும்புப் பெண்மணி இரோம் ஷர்மிளா. தனது உண்ணாவிரதத்தை முடித்துக்கொண்டு முதல்வர் வேட்பாளராக போட்டியிட்டார். ஆனால் 90 ஓட்டுகள் மட்டுமே அவருக்கு கிடைத்தது. இதனால் மனமுடைந்த அவர் அரசியலில் இருந்து விலகினார்.

அதைத் தொடர்ந்துதான் திருமணம் செய்யப்போவதாக அறிவிப்பு ஒன்றை வெளியிட்டார். பிரிட்டன் நாட்டை சேர்ந்தவரான டெஸ்மாண்ட் என்பவரை கொடைக்கானலில் திருமணம் செய்துகொள்ள போவதாக கூறியிருந்தார்.

ஆனால் இவரது திருமணம் கொடைக்கானலில் நடந்தால், மக்களின் அமைதி பாதிக்கப்படும் என்று தேமுதிக மற்றும் இந்து மக்கள் கட்சியினர் புகார் அளித்தனர்.

ஆனால் இந்த தடைகளைத்தாண்டி அவரது திருமணம் இன்று துணைப் பதிவாளர் முன்னிலையில் நடைபெற்றது. அவரது திருமணத்தில் மணப்பெண் தோழியாக இயக்குநர் திவ்ய பாரதி கலந்துகொண்டார்.

பொதுமக்களுக்கு இடையூறு ஏற்படும் என்று கட்சியினர் குழப்பினாலும் , இந்த திருமண விழாவில் அதிகமாக பொதுமக்கள் கலந்துகொண்டனர்.


irom Sharmila married in sub register office kodaikanal