ஜம்மு காஷ்மீர் உள்ளாட்சித் தேர்தல்... 99.5 % வாக்குப்பதிவு என்று தகவல்

ஜம்மு காஷ்மீர் மாநிலத்தின் சிறப்பு அந்தஸ்தை ரத்து செய்து யூனியன் பிரதேசங்களாக பிரிக்கும் உத்தரவை கடந்த ஆகஸ்ட் மாதம் 5 ஆம் தேதி , மத்திய அரசு பிறப்பித்திருந்தது.

இந்நிலையில் இதற்குப்பிறகான மாநில சட்டப்பேரவைத் தேர்தல்கள் ஹரியானா மற்றும் மகாராஷ்டிராவில் நடத்தப்பெற்று இன்று (24.10.19) வாக்குகள் எண்ணப்பட்டன.

அதே சமயம் ஜம்மு காஷ்மீரிலேயே உள்ளாட்சித் தேர்தல்கள் இன்று நடைபெற்றன. இந்த உள்ளாட்சிதேர்தலில், 99.5 சதவீத வாக்குகள் பதிவாகியுள்ளதாக தகவல்கள் வெளியாகி உள்ளன.
ஜம்மு காஷ்மீருக்கான சட்டப்பிரிவு 370 வழங்கிய சிறப்பு அந்தஸ்தை திரும்பப் பெற்று, அதை இரண்டு யூனியன் பிரதேசங்களாக அறிவித்த பிறகு நடத்தப்பட்ட தேர்தல் என்பதால் மத்திய அரசு மீதான அதிருப்தி இருக்கும் என்று எதிர்பார்க்கப்பட்டது. இந்நிலையில், அம்மாநிலத்தின் 310 வாக்குச் சாவடிகளில் நடைபெற்ற முதல்கட்ட உள்ளாட்சிதேர்தலில் சுமார் 99.5 சதவீத வாக்குகள் பதிவாகியிருப்பதாக மாவட்ட தேர்தல் அதிகாரி சுஷ்மா சவுகான் தெரிவித்துள்ளார்.

ஜம்மு காஷ்மீர் உள்ளாட்சித் தேர்தல் வரலாற்றில், 99.5 % சதவீத வாக்குகள் பதிவாகியிருப்பது இதுவே முதல் முறை என்றும் அவர் குறிப்பிட்டுள்ளார். அதே சமயம் வாக்கு நடத்தப்பட்ட பகுதிகளும் குறிப்பிடத்தக்கவை.