மகாராஷ்டிரா: யூத இனத்தினர் சிறுபான்மையினராக அறிவிப்பு

மகாராஷ்டிரா: யூத இன மக்களை சிறுபான்மையினர் பிரிவில் சேர்ப்பதற்கான கோரிக்கைக்கு மகாராஷ்டிர அமைச்சரவை இன்று ஒப்புதல் அளித்துள்ளது.

மகாராஷ்டிர அரசு யூத இன மக்களை சிறுபான்மையினராக அங்கீகரித்த்தை அடுத்து அவர்கள் சிறுபான்மையினருக்கான சலுகைகளை எளிதில் பெற முடியும். கல்வி நிறுவனங்களில் சிறுபான்மையினருக்கான இட ஒதுக்கீட்டின் அடிப்படையில் அவர்களுக்கு அளிக்கப்படும்.

சொந்தமாக கல்வி நிறுவனங்களைத் தொடங்கி நடத்தவும், அவர்களது பண்பாடு மற்றும் பழக்க வழக்கங்களை பரப்பவும் முடிவும். மேலும், இந்த அங்கீகாரத்தின் மூலம் யூத இனத்தினர் திருமணப்பதிவு செய்வதும் எளிமையாகும்.

கடந்த 2001ஆம் ஆண்டு எடுக்கப்பட்ட மக்கள் தொகை கணக்கெடுப்பின் படி, இந்தியாவில் வாழும் யூத இனத்தைச் சேர்ந்தவர்களின் எண்ணிக்கை 4650. அவர்களில் 2466 பேர் மகாராஷ்டிர மாநிலத்திலேயே வசிக்கின்றனர். அரசின் இந்த அறிவிப்பின் மூலம் அவர்களது நீண்ட நாள் கோரிக்கை நிறைவேறுகிறது.