அன்புமணிக்கு எதிராக ஜே.என்.யு மாணவர்கள் போராட்டம்..!

டெல்லியிலுள்ள ஜவஹர்லால் நேரு பல்கலைகழகத்தில் நடைபெறும் கருத்தரங்கில் பங்குபெற வந்திருந்த அன்புமணி ராமதாசுக்கு எதிராக மாணவர்கள் அமைப்பினர் போராட்டம் நடத்தினர்.

சமூக நீதி என்ற தலைப்பில் நடைபெற்ற இந்த கருத்தரங்கில் கலந்து கொள்வதற்காக நாடாளுமன்ற உறுப்பினரான அன்புமணி ராமதாஸ் ஜே.என்.யு வளாகத்திற்கு வந்தார்.கருத்தரங்கு நடைபெறும் அரங்கை நோக்கி சென்று கொண்டிருக்கும் போது,திடீரென அவரை வழிமறித்த மாணவர் அமைப்பினர்,அவருக்கு எதிராக கோஷங்கள் எழுப்பினர்.இதனால் அன்புமணி உடன் வந்திருந்த பாதுகாவலர்கள் மாணவர்களை தடுத்தனர்.இதனால் அங்கு தள்ளுமுள்ளு ஏற்பட்டது.இதற்கிடையே கருத்தரங்கு நடைபெறும் பகுதியை அன்புமணி அடைந்தார்.

குறிப்பாக தர்மபுரியில் குடியிருப்புகள் எரிக்கப்பட்ட சம்பவத்தை சுட்டுக்காட்டிய மாணவர்கள் அமைப்பினர்,தலித் மக்களுக்கு எதிராக அன்புமணி செயல்படுவதாக கூறி அவரின் உருவ பொம்மைகளை எரித்தும் தங்களுடைய எதிர்ப்பை தெரிவித்தனர்.இதனால் ஜே.என்.யு வளாகம் பரபரப்பாக காட்சியளித்தது.