பாஜக எம்பி, எம்எல்ஏ என குடும்பத்தில் 12 பேருக்கு கொரோனா!

கர்நாடக மாநிலம் குல்பர்கா எம்பி உமேஷ், இவர் மகன் சட்டமன்ற உறுப்பினர் அவினாஷ், உள்பட குடும்பத்தைச் சேர்ந்தவர்கள், பணியாளர்கள் என மொத்தம் 12 பேருக்கு கொரோனா உறுதி செய்யப்பட்டுள்ளது.

கர்நாடக மாநிலம் குல்பர்காவை சேர்ந்தவர் பாஜக எம்பி உமேஷ். இவர் மகன் அவினாஷ். கர்நாடக சட்டமன்ற உறுப்பினராக உள்ளார். இவர்கள் இருவருக்கும் கொரோனா தொற்று உறுதியாகியிருந்ததாகத் தகவல் வெளியானது.

இந்த சூழலில் எம்பி உமேஷ், தனது ட்விட்டர் பக்கத்தில், “இப்போதுவரை எனது மனைவி, மகள், மருமகள் என குடும்ப உறுப்பினர்கள், கார் உள்பட வேலையாட்கள் 12 பேருக்கு கொரோனா தொற்று பரவியிருந்தது உறுதியாகியுள்ளது. சிகிச்சைக்காக அனைவரும் பெங்களூர் பவ்ரிங் அரசு மருத்துவமனையில் அனுமதிக்கப்பட்டுள்ளோம்” எனப் பதிவிட்டிருந்தார்.

இந்த தகவலின்படி எம்பி உமேஷ், சட்டமன்ற உறுப்பினர் அபினாஷ் என இருவரின் உதவியாளர்கள் 4 பேருக்கு கொரோனா தொற்று உறுதியாகியுள்ளது. எம்பி குடும்பத்தைச் சேர்ந்த சட்டமன்ற உறுப்பினர் உள்பட 12 பேருக்கு கொரோனா உறுதி என்ற செய்தி கர்நாடகாவில் பரப்பைக் கிளப்பியுள்ளது.

மாற்றுப் பாலினத்தவர்களுக்கான தேசியக் கவுன்சிலை உருவாக்கியது மத்திய அரசு!

2019ஆம் ஆண்டு காங்கிரஸ் சட்டமன்ற உறுப்பினராக இருந்த உமேஷ், அங்கிருந்து பாஜகவிற்கு இணைந்து எம்பித் தேர்தலில் போட்டியிட்டு வெற்றி பெற்றார். அதே வேளையில் தனது மகன் அபினேஷுக்கும் பாஜகவில் சட்டமன்ற உறுப்பினர் வேட்பாளராகச் சீட்டு வாங்கினார் என்பது குறிப்பிடத்தக்கது.

எம்பி குடும்பத்தினருக்கு உரியச் சிகிச்சை அளித்து வருவதாகவும் அனைவரும் நலமுடன் இருப்பதாகவும் பெங்களூர் அரசு மருத்துவமனை வட்டாரங்கள் தகவல் தெரிவித்தனர்.