ஜம்மு காஷ்மீரில் துப்பாக்கிச் சண்டை

ஜம்மு காஷ்மீரில் பாதுகாப்புப் படையினருக்கும், தீவிரவாதிகளுக்கும் இடையே துப்பாக்கிச் சண்டை நடைபெறுவதாக, தகவல் வெளியாகியுள்ளது.

அங்குள்ள புத்காம் பகுதியில், சதுரா என்ற இடத்தில் இந்த துப்பாக்கிச் சண்டை நடைபெற்றுவருகிறது. அங்கே உள்ள சில வீடுகளில் தீவிரவாதிகள் பதுங்கியிருப்பதாகக் கிடைத்த தகவலை அடுத்து, நேற்றிரவு பாதுகாப்பு வீரர்கள் அங்கே தேடுதல் வேட்டையில் ஈடுபட்டனர். அப்போது, திடீரென தீவிரவாதிகள் துப்பாக்கிச்சூடு நடத்தியதால், பாதுகாப்பு வீரர்களும் பதிலடி கொடுத்துள்ளனர்.

இதன்தொடர்ச்சியாக, இன்று காலையும் பாதுகாப்புப் படையினர் குவிக்கப்பட்டு, அங்கே தொடர் சண்டை நடைபெற்று வருகிறது. இதனால், அப்பகுதியில் பதற்றமான சூழல் நிலவுகிறது.

Kashmir encounter: An encounter has broken out between security forces and terrorists in Jammu and Kashmir’s Budgam.