கேரள எம்.எல்.ஏ.க்களின் சம்பளமும் இரு மடங்காக உயா்வு

தமிழகத்தை தொடா்ந்து கேரள சட்டமன்ற உறுப்பினா்கள், அமைச்சா்களின் சம்பளத்தை இருமடங்காக உயா்த்தும் மசோத அம்மாநில சட்டமன்றத்தில் நிறைவேற்றப்பட்டுள்ளது.

கேரளாவில் பினராயி விஜயன் தலைமையிலான அரசு நடைபெற்று வருகிறது. கேரள சட்டமன்ற உறுப்பினா்கள் மற்றும் அமைச்சா்களுக்கு கடந்த 2012ம் ஆண்டு ஊதிய உயா்வு மேற்கொள்ளப்பட்டது. அதன் பின்னா் விலையேற்றம், பொருளாதாரத்தை கருத்தில் கொண்டு மீண்டும் ஊதிய உயா்வு வழங்கப்பட வேண்டும் என்ற கோாிக்கை முன் வைக்கப்பட்டது.

இதனைத் தொடா்ந்து சட்டமன்ற உறுப்பினா்கள், அமைச்சா்களின் ஊதியத்தை உயா்த்த முதல்வா் பினராயி விஜயன் தலைமையிலான அரசு முடிவு செய்தது. அதன்படி ஊதிய உயா்வு தொடா்பாக ஆய்வு மேற்கொள்ள ஓய்வு பெற்ற நீதிபதி ஜேம்ஸ் தலைமையில் குழு அமைக்கப்பட்டது. அந்த குழு தயாா் செய்த அறிக்கை நேற்று அம்மாநில சட்டப்பேரவையில் தீா்மானமாக கொண்டுவரப்பட்டு ஒருமனதாக நிறைவேற்றப்பட்டது.

ஊதிய உயா்வின் அடிப்படையில், அமைச்சா்களின் ஊதியம் மற்றும் படிகள் சோ்த்து 55 ஆயிரத்தில் இருந்து 90 ஆயிரத்து 500ஆக ஊதியம் உயா்த்தப்பட்டுள்ளது. அதே போன்று சட்டமன்ற உறுப்பினா்களின் ஊதியம், இதர படிகள் சோ்த்து 39 ஆயிரத்து 500ல் இருந்து 70 ஆயிரம் ரூபாயாக உயா்த்தப்பட்டுள்ளது. இந்த ஊதிய உயா்வு வருகிற ஏப்ரல் 1ம் தேதி முதல் நடைமுறைக்கு வரும் என்று தொிவிக்கப்பட்டுள்ளது.