ஆப்நகரம்

ஸ்வப்னாவிற்கு என்னாச்சு? மருத்துவமனையில் பரபரப்பு; தங்கக் கடத்தல் வழக்கில் புது சிக்கல்!

தங்கக் கடத்தல் வழக்கில் முக்கிய குற்றவாளியான ஸ்வப்னா திடீரென மருத்துவமனையில் அனுமதிக்கப்பட்டதால் பெரும் பரபரப்பு ஏற்பட்டுள்ளது.

Samayam Tamil 8 Sep 2020, 6:17 am
கேரள மாநில அரசியலில் பெரும் புயலை கிளப்பிய சம்பவம் தங்கக் கடத்தல். அதாவது ஐக்கிய அரபு எமிரேட்ஸ் தூதரகத்தின் பெயரில் வெளிநாடுகளில் இருந்து தங்கம் கடத்தி வந்துள்ளனர். கடந்த ஜூலை 5ஆம் தேதி துபாயில் இருந்து திருவனந்தபுரம் விமான நிலையத்திற்கு பார்சல் ஒன்று வந்தது. அதில் 30 கிலோ தங்கம் இருப்பது கண்டறியப்பட்டது. இதை வாங்க வந்த ஐக்கிய அரபு எமிரேட்ஸின் முன்னாள் ஊழியர் பி.எஸ்.சரித் சுங்கத்துறை அதிகாரிகளிடம் சிக்கிக் கொண்டார். இதுதொடர்பான விசாரணையில் ஸ்வப்னா சுரேஷ் என்பவருக்கு முக்கியப் பங்கிருப்பது கண்டறியப்பட்டது.
Samayam Tamil Swapna Suresh


இவரும் ஐக்கிய அரபு எமிரேட்ஸ் தூதரகத்தின் முன்னாள் ஊழியர் என்பது மற்றொரு அதிர்ச்சி. மேலும் மாநில அரசின் தகவல் தொழில்நுட்பப் பிரிவில் பணியாற்றி வந்த போது சிக்கியதால் முதலமைச்சர் அலுவலக ஊழியர்கள், முதலமைச்சர் பினராயி விஜயன் வரை எதிர்க்கட்சிகள் குற்றச்சாட்டுகளை முன்வைத்தனர். குறிப்பாக முதலமைச்சரின் முதன்மைச் செயலாளரும், ஐ.ஏ.எஸ் அதிகாரியுமான எம்.சிவசங்கருக்கு தொடர்பிருப்பது தெரியவந்தது.

அடேங்கப்பா ஸ்வப்னா சுரேஷ் இப்படியா? - பெரிய குண்டைத் தூக்கிப் போட்ட என்.ஐ.ஏ!

இவரும் விசாரணை வளையத்திற்குள் கொண்டு வரப்பட்டார். இது ஆளுங்கட்சிக்கு பெரும் தலைவலியாய் அமைந்தது. இதன் தொடர்ச்சியாக அரசுப் பொறுப்புகளில் இருந்து நீக்கப்பட்டு சிவசங்கர் இடைநீக்கம் செய்யப்பட்டார். இந்த தங்கக் கடத்தல் வழக்கை மத்திய அரசின் உத்தரவின் பேரில் தேசிய புலனாய்வு முகமை(NIA) விசாரித்து வருகிறது.

அதேசமயம் அமலாக்கத்துறை உள்ளிட்ட பல்வேறு மத்திய புலனாய்வு அமைப்புகளும் விசாரணை நடத்தி வருகின்றன. கடந்த ஜூலை 11ஆம் தேதி பெங்களூருவில் ஸ்வப்னா சுரேஷ் மற்றும் அவரது கூட்டாளி சந்தீப் நாயர் ஆகியோர் கைது செய்யப்பட்டனர். இதையடுத்து ஸ்வப்னாவின் கூட்டாளிகள் பலரும் கைது செய்யப்பட்டு வருகின்றனர். இவர் ஜாமீன் கோரி தாக்கல் செய்த மனுவை கொச்சியில் உள்ள என்.ஐ.ஏ சிறப்பு நீதிமன்றம் கடந்த மாதம் நிராகரித்தது.

ஸ்வப்னா சுரேஷ் பற்றி மேலும் ஒரு திடுக் தகவல்; அதுவும் மூன்று முறையாம்!

தற்போது நீதிமன்ற காவலில் திருச்சூர் மாவட்டம் விய்யூர் மத்தியச் சிறையில் ஸ்வப்னா சுரேஷ் அடைக்கப்பட்டுள்ளார். இந்நிலையில் நேற்று இரவு அவருக்கு திடீரென நெஞ்சு வலி ஏற்பட்டதாக கூறப்படுகிறது. உடனே அவர் திருச்சூர் மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டார். அங்கு அவருக்கு தொடர் சிகிச்சை அளிக்கப்பட்டு வருகிறது.

அடுத்த செய்தி