குமாரசாமியிடம் கூட்டணிக்கு துண்டு போட்டு வைத்த பாஜக!

மதச்சார்பற்ற ஜனதா தளம் (ஜேடிஎஸ்) கட்சி தலைவரும், கர்நாடக முன்னாள் முதல்வருமான குமாரசாமி, நாடாளுமன்ற தேர்தலுக்கு முன்பாக தனக்கு முதல்வர் பதவி வழங்க பாஜக தயாராக இருந்ததாக தெரிவித்துள்ளார். இதையடுத்து, பாஜக-ஜேடிஎஸ் கூட்டணி அமைய வாய்ப்பிருப்பதாக கர்நாடக அரசியல் வட்டாரங்களில் எதிர்பார்க்கப்படுகிறது.

எனினும், கூட்டணி அமைக்கவும், தொகுதிகளை பங்கிடவும் வாய்ப்பில்லை என குமாரசாமி தெரிவித்துள்ளார். அவர் பேசியபோது, “தொகுதி பங்கிடவும், எந்த கட்சியுடனும் கூட்டணி அமைக்கவும் வாய்ப்பில்லை. இது ஒரு பழைய விவகாரம். வரும் சட்டமன்ற தேர்தலில் எல்லா 224 தொகுதிகளிலும் நாங்கள் போட்டியிடுவோம்.

2020ன் கடைசி மன் கி பாத் உரை: கோவை சிறுமியை கொண்டாடிய பிரதமர் மோடி!
கூட்டணிக்காக எங்களிடம் யாரும் பேச்சுவார்த்தை நடத்தவும் இல்லை. பாஜக நண்பர்களை நாங்களும் அணுகவில்லை. எங்கள் கட்சியை நாங்களே வலுப்படுத்த முயற்சித்து வருகிறோம். அதற்காக ஜனவரி 15ஆம் தேதி முதல் புதிய நடவடிக்கைகளுக்கு திட்டமிட்டிருக்கிறோம்” என்று தெரிவித்தார்.

பிரதமர் நரேந்திர மோடியும், பாஜக சீனியர் தலைவர்களும் பிறந்தநாள் உள்ளிட்டவற்றுக்கு குமாரசாமிக்கு வாழ்த்து தெரிவித்து வருகின்றனர். இது கூட்டணிக்கான சிக்னலா என குமாரசாமியிடம் கேள்வியெழுப்பப்பட்டது. அதற்கு அவர் பதிலளித்தபோது, “எனது தந்தை மீது இருக்கும் மரியாதையால் எனக்கு வாழ்த்து தெரிவிக்கின்றனர்” என்று தெரிவித்தார்.
undefinedஎனினும், விவசாயிகள் போராட்டம் விவகாரத்தில், மோடி அரசின் வேளாண் சட்டங்களை சோதனை அடிப்படையில் முயற்சித்து பார்க்க வேண்டுமென விவசாயிகளிடம் குமாரசாமி வலியுறுத்தியுள்ளார். விவசாயிகள் திறந்த மனதுடன் வேளாண் சட்டங்களை முயற்சித்து பார்க்க வேண்டுமென அவர் கேட்டுக்கொண்டுள்ளார்.