குமாரசாமி பதவியேற்ப்பு விழாவில் ஸ்டாலின் பங்கேற்க தேவகவுடா அழைப்பு

கர்நாடக முதலமைச்சராக குமாரசாமி பதவியேற்கும் விழாவில் பங்கேற்க ஸ்டாலினுக்கு தேவகவுடா அழைப்பு
பெங்களூரு : கர்நாடக முதல்வராக மதசார்பற்ற ஜனதாதளம் கட்சியின் குமாரசாமி பதவியேற்கும் விழாவில் திமுக செயல் தலைவர் முக ஸ்டாலின் பங்கேற்க மஜத தேவகவுடா அழைப்பு விடுத்துள்ளார்.

கர்நாடகாவில் சட்டமன்ற தேர்தல் மே 12ம் தேதி நடைப்பெற்றது. வாக்கு எண்ணிக்கை 15ம் தேதி நடைப்பெற்றது. இதில் எந்த ஒரு கட்சிக்கும் பெரும்பான்மை கிடைக்கவில்லை. பாஜக 104, காங்கிரஸ் 78, மதசார்பற்ற ஜனதா தளம் (மஜத) 37 இடங்களை பிடித்தது.

பாஜக அதிக இடங்களை பிடித்துள்ளதால் அதன் முதல்வர் வேட்பாளர் எட்டியூரப்பாவை ஆட்சியமைக்க அம்மாநில ஆளுநர் அழைத்தார். இந்நிலையில் 3 நாட்கள் முதல்வராக இருந்த எட்டியூரப்பா நேற்று பெரும்பான்மையை நிரூபிக்க முடியாமல் பதவி ராஜினாமா செய்தார்.

ஸ்டாலினுக்கு அழைப்பு:
இந்நிலையில் காங்கிரஸ் ஆதரவோடு மஜத.,வின் குமாரசாமி வரும் 23ம் தேதி (புதன் கிழமை) முதல்வராக பதவியேற்க உள்ளார். இந்த பதவியேற்பு விழாவில் கலந்து கொள்ள மஜத தலைவர் தேவகவுடா திமுக செயல் தலைவர் ஸ்டாலினுக்கு அழைப்பு விடுத்துள்ளார்.