மேடை சரிந்து விழுந்ததில் லாலு பிரசாத் யாதவ் காயம்!

பீகாரில், அம்மாநில முன்னாள் முதல்வர் லாலு பிரசாத் யாதவ் பங்கேற்ற நிகழ்ச்சியில் மேடை சரிந்து விழுந்ததால், அவர் காயமடைந்தார்.

பீகார் தலைநகர் பாட்னாவில் நடந்த யாக பூஜை நிகழ்சியில், முன்னாள் முதல்வர் லாலு பிரசாத், அவரது குடும்பத்தினருடன் பங்கேற்றார். லாலுவின் மகனும், பீகார் துணை முதல்வருமான தேஜஸ்வி பிரசாத்தும் இதில் பங்கேற்றிருந்தார்.

அப்போது, மேடையில் லாலு பிரசாத் அமர்ந்திக்கும் போது அவரது கட்சித் தொண்டர்கள் ஏராளமானோர் மேடை மீது ஏறினர். இதனால், பாரம் தாங்காமல் மேடை திடீரென சரிந்து விழுந்ததில், லாலு பிரசாத் உள்ளிட்டோர் கீழே விழுந்தனர்.

குறிப்பாக, லாலு பிரசாத் லேசான காயமடைந்தார். இதையடுத்து, நெரிசலில் இருந்து அவரை மீட்ட போலீசார் அருகிலுள்ள மருத்துவமனையில் சேர்த்தனர். இடுப்பு மற்றும் முதுகுப் பகுதியில் வலி இருப்பதாக, லாலு பிரசாத் தெரிவித்ததை அடுத்து, அவருக்கு எக்ஸ் ரே உள்ளிட்ட பரிசோதனைகள் செய்யப்பட்டன.

அவருக்கு எந்த தீவிர பாதிப்பும் இல்லை என தெரியவந்ததை அடுத்து, சில மணிநேர ஓய்வுக்குப் பின் மீண்டும் வீடு திரும்பினார். மேலும் வீட்டிலேயே, சில நாட்கள் ஓய்வு எடுக்கும்படி மருத்துவர்கள் அறிவுறுத்தினர். இந்த சம்பவம் ராஷ்ட்ரிய ஜனதா தளம் கட்சித் தொண்டர்களிடையே சோகத்தை ஏற்படுத்தியுள்ளது.


#WATCH: Stage of a 'Yagya Sthal' in Patna, where Lalu Prasad Yadav was present collapsed; he was later discharged after treatment(24.3.2017) pic.twitter.com/rNm1buOe4b — ANI (@ANI_news) March 25, 2017