யார் அந்த விஐபிக்கள்? மோடி பதவியேற்பு விழாவில் பங்கேற்க பிரம்மாண்ட ஏற்பாடு!

நடந்து முடிந்த மக்களவை தேர்தலில், தேசிய ஜனநாயகக் கூட்டணி 350 இடங்களில் வெற்றி பெற்றது. இதன்மூலம் தனிப்பெரும்பான்மை பெற்று, பாஜக ஆட்சிக் கட்டிலில் அமர உள்ளது. இதையடுத்து தொடர்ந்து 2வது முறையாக மோடி பிரதமராகிறார்.

இதற்கான விழா இன்று இரவு 7 மணியளவில் குடியரசுத் தலைவர் மாளிகையில் நடைபெறுகிறது. இதில் வெளிநாட்டுத் தலைவர்கள், பல்வேறு அரசியல் கட்சி தலைவர்கள், திரை நட்சத்திரங்கள், தொழிலதிபர்கள், விளையாட்டு பிரபலங்கள் உள்ளிட்டோருக்கு அழைப்பு விடுக்கப்பட்டுள்ளது.

இதையொட்டி தலைநகர் டெல்லியில் பலத்த பாதுகாப்பு ஏற்பாடுகள் செய்யப்பட்டுள்ளன.

அழைப்பு விடுக்கப்பட்ட வெளிநாட்டு தலைவர்கள்:

BIMSTEC கூட்டமைப்பில் இடம்பெற்றுள்ள வங்கதேசம், பூடான், மியான்மர், நேபாளம், ஸ்ரீலங்கா, தாய்லாந்து ஆகிய நாடுகளின் தலைவர்கள், மொரிஷியஸ், கிர்கிஸ்தான் நாட்டு தலைவர்கள், ஐ.எம்.எப் மேலாண் இயக்குநர் மற்றும் தலைவர் கிறிஸ்டின் லகார்டே உள்ளிட்டோர் அழைக்கப்பட்டுள்ளனர்.

இந்தியாவில் அழைப்பு விடுக்கப்பட்ட பிரபலங்கள்:

மாநில முதலமைச்சர்கள், முன்னாள் பிரதமர்கள், முன்னாள் குடியரசுத் தலைவர்கள், எதிர்க்கட்சி தலைவர்கள் உள்ளிட்டோருக்கு அழைப்பு விடுக்கப்பட்டுள்ளது.

தொழிலதிபர்கள் - முகேஷ் அம்பானி, கவுதம் அதானி, ரத்தன் டாடா, அஜய் பிராமல், ஜான் சேம்பர்ஸ், பில் கேட்ஸ் உள்ளிட்டோருக்கு அழைப்பு விடுக்கப்பட்டுள்ளது.

விளையாட்டு பிரபலங்கள் - பி டி உஷா, ராகுல் டிராவிட், அனில் கும்ளே, ஜவகல் ஸ்ரீநாத், ஹர்பஜன் சிங், சாய்னா நேவால், புல்லேலா கோபிசந்த், தீபா கர்மாகர் உள்ளிட்டோர் அழைக்கப்பட்டுள்ளனர்.

திரைப் பிரபலங்கள் - ரஜினிகாந்த், கமல் ஹாசன், கங்கனா ரணாவத், ஷாரூக்கான், சஞ்சய் பன்சாலி, கரண் ஜோஹர் உள்ளிட்டோருக்கு அழைப்பு விடுக்கப்பட்டுள்ளது.