மத்திய பிரதேச ஆளுநர் மறைவு!

உடல் நலக் குறைவு காரணமாக சிகிச்சை பெற்று வந்த மத்தியப் பிரதேச ஆளுநர் லால்ஜி டாண்டன் உயிர் பிரிந்தது. அவருக்கு வயது 85.

இந்த அறிவிப்பை அவரது மகன் அசுதோஷ் டாண்டன் தனது ட்விட்டர் பக்கத்தில் வெளியிட்டுள்ளார்.

காய்ச்சல், சிறுநீர் கழிப்பதில் சிரமம் போன்ற புகார்களைத் தொடர்ந்து ஜூன் 11 ஆம் தேதி டான்டன் முதலில் லக்னோவின் மெடண்டா மருத்துவமனையில் அனுமதிக்கப்பட்டார். பின்னர், அவருக்கு கல்லீரல், சிறுநீரகம் ஆகியவற்றில் தொற்று இருப்பது கண்டறியப்பட்டது. ஜூலை 16 ம் தேதி அவரது உடல்நிலை மோசமடைந்தது, அதன் பிறகு அவர் வென்டிலேட்டர் உதவியுடன் சுவாசிக்கத் தொடங்கினார்.

25 லட்சம் பேர் பாதிப்பு... 110 பேர் உயிரிழப்பு: தொடரும் சோகம்!

அவரது நுரையீரல், சிறுநீரகம், கல்லீரல் சரியாக செயல்படாததால் டாண்டனின் நிலை மோசமடைந்து வருவதாக மருத்துவர்கள் கூறியிருந்தனர்.

டான்டனின் உடல்நிலை சரியில்லாமல் இருந்ந்தபோதே உத்தரபிரதேச ஆளுநர் ஆனந்திபென் படேலுக்கு மத்திய பிரதேசத்தின் கூடுதல் பொறுப்பு வழங்கப்பட்டது குறிப்பிடத்தக்கது.