அமெரிக்காவை விட நல்ல ரோடு: ம.பி. முதல்வர் பெருமிதம்

போபால்: அமெரிக்காவில் உள்ள சாலைகளைவிட மத்தியப் பிரதேசத்தின் சாலைகள் சிறப்பாக உள்ளதாக அம்மாநில முதல்வர் சிவ்ராஜ் சிங் சௌகான் குறிப்பிட்டுள்ளார்.

மத்தியப் பிரதேச மாநிலம் ஷாதோலில் நடைபெற்ற நிகழ்ச்சி ஒன்றில் அம்மாநில முதல்வர் சிவ்ராஜ் சிங் சௌகான் பங்கேற்றார். அதில் பேசிய அவர், "நான் அமெரிக்காவுக்குச் சென்றிருந்தேன். அப்போது, அன்பார்ந்த அமெரிக்கர்களே, நீங்கள் சாலை அமைத்திருக்கலாம். ஆனால், உங்களைவிட சிறந்த சாலையை நாங்கள் அமைத்துள்ளோம் என்று சொன்னேன்" என குறிப்பிட்டார்.

தொடர்ந்து, "ஆனால், வழக்கம்போல காங்கிரஸ்காரர்கள் இதைச் சொன்னதற்காக என்னை விமர்சிக்கிறார்கள்." என்றும் அவர் தெரிவித்தார். மாநிலத்தில் 1.5 லட்சம் கி.மீ. சாலைகளை அமைத்துள்ளதாவும் அவர் குறிப்பிட்டார்.