இரட்டை சகோதரர்களாக தவறு செய்யும் மோடி, டிரம்ப்: லாலு பிரசாத்

ராஷ்ட்ரிய ஜனதா தளத்தலைவரான லாலு பிரசாத், பிரதமர் மோடி மற்றும் டொனால்டு டிரம்ப் ஆகியோர் இரட்டை சகோதரர்களாக இருக்கின்றனர் என்று கூறியுள்ளார்.

உத்தரப்பிரதேச மாநில சட்டப்பேரவைத் தேர்தலில் சமாஜ்வாதி மற்றும் காங்கிரஸ் கட்சிகள் கூட்டணி அமைத்து போட்டியிடுகிறன. இவ்விரு கட்சிகளை ஆதரித்து உத்தரபிரதேசத்தில் உள்ள ரேபரேலி பகுதிகளில் நேற்று பிரச்சாரம் செய்தார். அப்போது அவர் பேசியதாவது:

பிரதமர் நரேந்திர மோடியும், அமெரிக்க அதிபர் டொனால்டு டிரம்ப் இருவரும் ஒவ்வொரு முறையும் தவறான முடிவை எடுத்து வருகின்றனர். இதில் மோடி எப்போதும் தவறுகளைச் செய்து வருகிறார். இதன் காரணமாக இருவரும் இரட்டை சகோதரர்களாக இருக்கிறார்கள். கோத்ரா கலவரத்தின் போது மோடியை வாஜ்பாய் கடுமையாக தாக்கினார்.

அந்நேரத்தில் அத்வானிதான் மோடியை காப்பாற்றினார். ஆனால், அவரையே மோடி ஓரங்கட்டிவிட்டார். இந்த தேர்தலில் பாஜக நிச்சயமாக தோல்வியை தழுவும். அதன் காரணமாக மோடியின் செல்வாக்கு தானாக குறைந்து விடுவதோடு அவரது ஆட்சிக்கு நிரந்தரமாக முடிவுப்புள்ளி வைக்கப்படும் என்று பேசினார்.

Modi and trump both the twin brothers make mistakes: lalu prasad.