பிரபல நடிகருக்கு மோடி அழைப்பு

பிரதமரின் தூய்மையே சேவை இயக்கத்தில் பங்கேற்குமாறு நடிகர் மோகன்லாலுக்கு மோடி அழைப்பு விடுத்துள்ளார்.

இந்தியாவை தூய்மையாக வைத்துக் கொள்ள வேண்டும் என்பதை வலியுறுத்தி தூய்மையே சேவை என்ற இயக்கத்தை மத்திய அரசு சில தினங்களுக்கு முன்பு துவங்கியது.

இது தொடர்பான விழிப்புணர்வு பிரசாரம் மகாத்மா காந்தியின் பிறந்த நாளான அக்டோபர் 2 வரை நாடு முழுவதும் மேற்கொள்ளப்படுகிறது. இந்நிலையில், தூய்மையே சேவை இயக்கத்தில் பங்கேற்குமாறு நடிகர் மோகன்லாலுக்கு பிரதமர் மோடி அழைப்பு விடுத்துள்ளார்.

இது தொடர்பாக பிரதமர் மோடி, மோகன்லாலுக்கு எழுதிய கடிதத்தை கேரள பாஜகவினர் நேற்று வெளியிட்டனர். அதில், தூய்மையே சேவை இயக்கத்தில் நீங்கள் பங்கேற்பதன் மூலம் பல லட்சம் மக்கள் இதில் இணைவதற்கு உதவியாக இருக்கும் என்றும், இந்த இயக்கம் தொடர்பான உங்கள் கருத்துக்களை நரேந்திர மோடி மொபைல் ஆப் பிலும் தெரிவிக்கலாம் என்றும் கூறப்பட்டுள்ளது.